نحاســـــــــــــــــــــــــة :( ):

[.كاسكو.]

السلام عليكم
منذ فترة اصيبت انثى البادجي لدي باسهال وايضا اصيبت بحشرات حمراء تخرج من رقبتها لتمتص الدم من عيونها جربت كل الادوية الطبيعية لهذي الحشرات لكن بدون فايدة
قررت اوديها عند البيطري امس فاخبته بالموضوع فاعطاني دواء اسمه chevita gmpH على ما اعتقد للاسهال وقلتله والبنسبة للحشرات قام وفحصها وقال انه ما فيها حشرات فقلتله انا شايفهن بعيني لما يمشن على رقبتها بوضوح تام قالي تتخيل ضربني غم لاكن مسكت نفسي عن اهجم علية واصفعه تصفيع حاولت اقنعه قالي مافي قلتله طيب اعطيني الدوا قال ما طيرك ما فيه شي من الحشرات ولن اعطيك
طيب عالعموم خذيت دواء الاسهال وطلعت وفيني غم
الحين ما عندكم اي فكرة عن دواء اقدر اشتريه من الصيدلية البيطرية
لو عندكم بلغوني ما عندي غيركم
وشكرا

[سمكاويه]

طيب ياخوي مو شرط انها الحشره تكون باقي موجوده واذا انك شايف انها باقي موجوده روح لبيطري ثاني وخليه يكشف عليها ويعطيك الدواء واعذرني صراحه ماعرف اي دواء لهذا المرض ... موفق

[.كاسكو.]

اشكرك على مرورك الطيب
و لين اليوم وباكر بعد الحشرة باقية واشوفها
والذكر من كثر ما يحك نفسه في الاشياء تساقط ريش عينه ومنقاره

[.كاسكو.]

يا جماعة ارجوكم ردوا علي انا ما سألتكم عشان تكتموا اجوبتكم ارجووووكم

[seifca]

أخي انت زيد اتأكد وحاول انك تصور الحشرات
وعلى ما أضن انه الفاش وهناك مواضيع مثبتة
راح تفيدك انا لا اعرف اسم الدواء للاسف واذا لم تجد
ضالتك شوف بيطري ثاني ووريه الصور ان استطعت

[سمكاويه]

ياخوي اتوقع انه الفاش ولا تقعد حاط يدك على خدك طير لاي بيطري وقله يكشف عليه وخليه يعطيك الدواء والدواء حق الفاش عباره عن بخاخ ترشه على الطير والقفص وتغسل القفص كويس وترى الفاش يجي من قله النظافه لو تعتني في نظافه القفص والاكل وتنقل القفص من المكان الي هوه فيه وتشمس الطيور يومين تاكد انها راح تختفي بعد فتره لكن لازم تروح عند اقرب بيطري لا تتاخر ترى لا قدر الله الطيور بتفقدها ... موفق اخوي

[.كاسكو.]

اشكركم كثيرا
القفص انا كل اسبوع انظفه تنظيف بمعقم واعرضه للشمس طول فترة الظهر والاكل والماي يوميا يتغير وانا تراني ما مقصر في النظافه بس يمكن الانثى جايه بحشراتها من المحل لانها جديدة

[adrooo]

روشه وابحث عن بودرة الديناصور