قطط الشوارع ..

[azoz12331]

اول شي .. احب اشكرك على الموضوع الرائع وانتي ما شاء الله دائما تفاجئينا بالأطروحات الجميلة ..

ثاني شي .. انا معاك بالكلام اللي قلتيه كله .. والقط البلدي اذا اخذته للبيطري واهتممت بنظافته ما راح يكون مصدر خطر إن شاء الله ..

ثالث شي .. انا مره صارت لي قصه قبل 9 اشهر .. وجدت 3 كتين صغار على رصيف المنزل عمرهم يوم-يومين .. واحد كان يتحرك اثنين حركتهم بطيئه بدون ام قلت في نفسي يمكن امهم راحت وبترجع ..
رجعت المساء لقيتهم على نفس الوضع وناقصين واحد صراحه حزنت عليهم .. اللي كانت حركته بطيئه ما يتحرك ابد .. اخذت الثاني صاحبنا النشيط دخلته مسحته ومسحت عيونه شربته حليب السعوديه وانا وقتها كنت قليل خبره (ما أعرف انه الحليب لازم بدون لاكتوز)..
اخذتها لبيطري في محل لقاحات وليس عيادة عطاني فيتامين اخلطه لها مع الحليب وقالي شربها حليب عادي .. جلست على هالحال يومين ولقلت خبرتي ما كنت اعقم السيرنج زين ..
كنت احط القطه بمكان بدون تكييف لاجل ما تبرد .. وفي يوم كانت الرطوبه شديده جيت لقيت حركتها بطيئه جدا اعطيها حليب ما تشرب وجيت بوديها البيطري لكن فات الاوان ماتت حزنت عليها صراحه ..

اللي أحب أقوله للجميع اقرأوا وابحتوا والنت ما خلى شي .. والحق ينقال المنتدى هنا فادني كثير مره وزاد خبرتي .. الله يعطيكم العافيه جميعا وشكرا لك مره ثانيه عاشقه على الطرح الجميل