استفسار المينا

[احمد 844]

السلام عليكم

اليوم شريت مينا

وانا ما احب الطيور نهائيا وما احب المسهم

ومادري كيف اقتنعت واشتريت
وهاذي صورته



مادري وش نوعه او كم عمره ويش ياكل
وكيفيه تربيته وهل يتكلم او لا
وياليت الي عنده خبره فيهم
يخلينا يستفيد

[صمت الأمل]

وعليكم السلام ورحمة اللهـ وبركاتهـ .


مرحبا فيكـ اخي احمد .


اللهـ يهديكـ ماتحب الطيور وماتحب تلمسهم وماتعرف تتعامل معهم وتروح تشتري لكـ جوز فراخ مينا ؟؟


طيور المينا بشكل عام ذكيهـ ومرحهـ وتربيتها ممتعهـ وان شاء اللهـ ماتواجهـ صعوبات معها .


وهي مقلدهـ ممتازهـ للأصوات لو دربتها او اذا دربت نفسها بتقليدكم اذا كانت مرتاحهـ لكم .


ماربيتها شخصيا لكن سمعت انها طيور وصخها كثير شويهـ ولازم تهتم بنظافتها اكثر من بعض الأنواع .


المينا تاكل فواكهـ مقطعهـ _ خبز مبلول بماء _ ممكن تعطيها من طعامكم العادي وسلطهـ بدون ملح وقليل جدا من لحم الدجاج حتى يعوض البروتين او تعطيها حشرات او قليل من صفار البيض المسلوق جيدا _ يوجد بسوق الطيور اكل او علف خاص للمينا .


اللي عندكـ فراخ وعمرهم صغير .. تأكد هل هم يقدرو ياكلو بأنفسهم ام لسى ما انغرو .. يبدو واللهـ اعلم انهم مصيودين من اهلهم او ان صاحبهم مايبغى كثرة عددهم عندهـ .


عندكـ فرصهـ كبيرهـ بنجاح تربيتهم وترويضهم وتعويدهم عليكـ لأن اعمارهم صغيرة .


لكن لو هذي اول تجربهـ لكـ مع الطيور فاللهـ يعينكـ .. لازم تهتم بهم زين وتبعدهم عن التيارات الهوائيهـ وتتأكد من اطعامهم وجباتهم حتى ينمو بسرعهـ وصحهـ .


اتفضل هالموضوع ان شاء اللهـ يفيدكـ :


http://www.2zoo.com/vb/showthread.php?t=110147


موفق يارب في تربيتهم والإهتمام بهم او اهدائهم لأحد يهتم فيهم لفترهـ حتى تتأقلم انت مع وضعهم .

[احمد 844]

مشكوره اختي صمت وان شاء الله نستفيد من خبرتك
تقريبا هادي اول تجربه لي مع الطيور
قبل اسبوع تقريبا شريت لي بلبل
اول ماشريتهم<<<ماتوقعتهم يكملو معاي يوم واحد

وهاذي الصوره حصريا


الحمدلله ماوجهت معاهم صعوبه

[صمت الأمل]

ماشاء اللهـ تباركـ اللهـ .


حلو عندكـ خبرة بالطيور .. شويهـ شويهـ ونشوفكـ بإذن اللهـ مربي محترف بالطيور والغر .


في الصورهـ الثانيهـ فرخ البلبل اللي كأنهـ مفروش مع الأرض .. هل هو طول وقتهـ كذا ام فقط من هالصورهـ ؟؟


لو كان دايم كذا هذا مصاب بالكساح .. كلما عالجتهـ أبكر يكون افضل .


لانهـ راح ينحرم لو كبر من نعمة الطيران وعيش حياتهـ بشكل طبيعي ,, فقط بيكون جالس بهالوضعيهـ باقي حياتهـ .


انتبهـ عليهـ وعالجهـ بأسرع وقت .. اذا تبي ادلكـ على الطريقهـ فأبشر .


فقط اكد لي هل هالإنفراش من الصورهـ ام هو دايم كذا !!!!

[احمد 844]

صارله يومين تقريبا وهو على هذا الحال هل يحتاج بيطيري ؟؟؟
بالنسبه للمينا لازم اروشه كل يوم وكيف الطريقه ؟؟؟
وبالنسبه للأكل لازم افتح فمه بيدي حق ياكل يمكن لانه صغير
مستحيل يفتح فمه لحاله وتشوفه واقف مثل الصنم قليل الحركه
وسلامتك

[احمد 844]

للرفع

[صمت الأمل]

المشاركة الأصلية كتبت بواسطة احمد 844

صارله يومين تقريبا وهو على هذا الحال هل يحتاج بيطيري ؟؟؟
بالنسبه للمينا لازم اروشه كل يوم وكيف الطريقه ؟؟؟
وبالنسبه للأكل لازم افتح فمه بيدي حق ياكل يمكن لانه صغير
مستحيل يفتح فمه لحاله وتشوفه واقف مثل الصنم قليل الحركه
وسلامتك

حاليا لازم تعطيهـ فيتامينات وكالسيوم حتى تقدر تغذي جسمهـ ويقوى عظمهـ .


تقدر تاخذهـ للبيطري او اشرح لهـ الحالهـ وراح يعطيكـ علاج خاص للكساح مايحضرني اسمهـ حاليا .


اعتقد من التعب اللي يواجههـ ضعفت شهيتهـ وحاول تجبرهـ قليلا ياكل ويشرب ,,


ممكن تعطيهـ شوي ماء بسكر او عسل حتى يعطيهـ طاقهـ فوريهـ وتتحسن شهيتهـ .


طريقة التجبير والأسباب وكل المعلومات عن الكساح هنا :


http://www.2zoo.com/vb/showthread.php?t=169929


ايضا هنا سؤال واعمل نفس الطريقهـ وان شاء اللهـ يفيد :


http://www.2zoo.com/vb/showthread.php?t=258058


تقدر تستخدم فلين او اسفنج ,, اللي متوفر عندكـ .

بالنسبه للمينا لازم اروشه كل يوم وكيف الطريقه ؟؟؟

تقدر تضيف لهم ماء في صحن غير عميق وبيتروشو بأنفسهم .


او رشاش رذاذ ماء وترشهـ على جسمهم فقط وتتجنب الوجهـ .


لكن هم لازالو صغار بالسن ,, انتظر عليهم حتى يعتمدو على نفسهم تماما وتقوى اجسادهم وتتحمل البرد .


اكتفي حاليا بتنظيف القفص من فضلاتهم اللهـ يكرمكـ كلما سنحت لكـ الفرصهـ .


واتفضل بطرح اي سؤال او تحديث ونتابع حالتهم معكـ بإذن اللهـ .

[احمد 844]

البلبل مات ��
وبقى عندي واحد توه يتعلم الطيران
وش نصايحك بالنسبه للاكل والتدريب
والسموحه على كثره الاسئله توني مبتدى

[bird96]

شوف بعطيك نصيحه :: ب الف دولار شو ب الف بس هههه ب مليار او اكتر شوي

انت رد ع كلام الأخت الغاليه الأستاذة صمت الأمل بكل التعليمات وما عليك ورمي الهموم ورا ظهرك ههههههه

[صمت الأمل]

المشاركة الأصلية كتبت بواسطة احمد 844

البلبل مات 😔
وبقى عندي واحد توه يتعلم الطيران
وش نصايحك بالنسبه للاكل والتدريب
والسموحه على كثره الاسئله توني مبتدى

اللهـ يعوضكـ يارب باللي احسن منهـ .


من تقصد بهـ الأكل والتدريب البلبل ام المينا ؟؟


اعتذر منكـ الموضوع جمع هالطيرين وماعرفت من تقصد .


وابدا لا تستسمح ولاشيء اللهـ يعافيكـ ,, خذ رااااااحة راحتكـ وان شاء اللهـ نفيدكـ .