تاابع ..دواء الديدان فيرموكس

[عاشقة قطوتها]

هاااي

اكيد تقولون ذي وش عندها فاتححه نفس الموضوع ..

بس انا قلت اكيد ماارح تقرأون اخخر رد ف موضوعي الي فات فأسوي موضوع ثاني افضل

اتمنى اتمنى اتمنى اتمنى تعطوني اجووبه كافيه وافيه ..

كل الي ردو علي بالنسبه للجرعه قالو ..سم ..بس السرنجة الي شريتها لها ب(الملم)مو (سم)

عشان كذا ابغى الحد الصحيح يعني كم يعادل 2 سم بالملم ؟؟؟

وثاني شيء الى متى اضل اعطيه لها ؟؟

وكيف اعرف ان الديدان راحت نهائيا ؟؟

وكيف ادخل الدواء في فمها هل الطريقه الي انا سويتها صحيحه ؟؟حطيت السرنجه في فمها من الجنب ولما فتحت فمها عشان تعض السرنجه ضغطت الابره نطت نططه وتفلت شوي من الدواء على الارض ..

بس اغلبه بلعته فديتها وبعدين شربت مويا كثير مدري ليه ؟؟

ملاحظه ::عطيتها 2ملم

انتظر ردكم ..

[عاشقة قطوتها]

افاا افاا افففا 10 مشاهدات ولارد واحد!!!!!

ثانكس

[Jojo 55]

ماعندي علم حبيبتي انا استخدم الحبوب كحمايه من الديدان بس ماحبيت ادخل ولا ارد على موضوعك قلبي ...

[عاشقة قطوتها]

اشكرك ع المرور اختي الله يسعدك ..انا حقي شراب مو حبوب ..

تسلمين ياقلبي العتب مو عليكي العتب على الخبراء الي ماردوا علي

[الدلع]

حبيبتي عشّوقة .. حياكِ الله
جعلك تسلمين يارب
صدقيني المشرفات وخبراء القسم ( الشهادة لله ) ما قصروا ولا راح يقصرون أبد عن مساعدة أي عضو فجزاهم الله كل خير والله يعطيهم الصحة والعافية
احنا ما ندري عن ظروف الغير فقد يكونون مشغولين ومن فينا ما ينشغل
أحيانا أغيب عن المنتدى كم يوم مع ان ودي اني ما أفارقه أبد لكن تحكمنا ظروفنا
ويمكن يكونون ما شافوا سؤالك وجلّ من لا يسهو والبشر مهما كان عندهم استيعاب وانتباه تجي فترة وينسون ويقل تركيزهم فنحن نعذرهم ونسأل الله أن لا يحرمنا إطلالتهم فهم العون لنا بعد الله سبحانه فيما يخص تعاملنا مع حبايبنا البسس
لو كنت أحس ان وجودنا في المنتدى ما منه فايدة كان ما اخترت ذا التوقيع لأنه بالضبط هو الي اشعر فيه لما أدخل للمنتدى ولقسمي المحبب .. كلنا مترابطين واخوان .. الله يديم بيننا ذا الاخوة دوم
ابشري بالفزعة
وشو له معقدة السالفة خذي الرد الي على كيف كيفك وما في احلى ولا اسهل منه فيما يخص الجرعة بس قربي اذنك ولا يسمع احد ( حطي المسطرة قدامك وجيبي السرنقة وحطيها عليها وشوفي مقدار 2سم ويصير هذا هو مقدار الجرعة يعني عبي السرنقة الى نفس ذا المقياس وخلصت السالفة .. شفتِ وشلون سهلة
لا تصدقين ترا أمزح بس حبيت أطري الجو <<<<< بايخة
شوفي يالغالية بصراحة ما عندي خبرة بذا الشي بس فرفرت لك النت حتى لقيت لك الإجابة الخاصة بالجرعة .
خذي الإجابة :
1لتر يساوي 1000 سنتيمتر مكعب ، أي أن 1 مليلتر يساوي 1 سم مكعب.
يعني ( 2سم = 2مل ) وان شاء الله ما اكون جبت العيد
يعني صح جرعتك
أما بالنسبة لطريقة اعطاءها الشراب فخذي ذا المقطع وبتلقين غيره كثير وبعد طريقة اعطاءها الحبوب والكبسولات :

http://www.youtube.com/watch?v=nlZ5L...eature=related

أما بقية الأسئلة فالعذر والسموحة ففيه من هم أعلم مني وابشري بإذن الله خير والحين تم رفع السؤال لعيونك
تحياتي لك وان شاء الله تلقين رد لكل استفساراتك عن قريب
موفقة اختي والله يشفي بستك ويحفظها لك

[مشاعل الرياض]

اختي السم =10 ملم
سم 1 يكفي
لمدهه
يومين
بعد اسبوعين اكر الجرعه لمده يومين علشان نتأكد انها راحت وماتت
هذا على حسب تجربتي ومثل ماقال الدكتور لي

[عاشقة قطوتها]

مشكوووورة يادلع ع الرد الحلووو والخفيف زيك ووه بث فديتك ..وكمان مشكوووره يامشاعل والله قلق انا اعطيتيها 2 ملل وسوت مجزره اجل كيف لو عشره الله يعيني بسس