ببغاوات

[without heart]

المشاركة الأصلية كتبت بواسطة Naja

الاخت ليان .. في رأيي تاخذين طير صغير حجم ، ولا تفكرين في الكوكاتو ولا الماكاو (((((((حاليا)))))))
خذي افريقي او امازون بلوفرونتد او يلو كراون ، ولو مو مستعجلة وبتبدين بتربية كروانات ترا بيكون اختيار موفق و راح يضعك على الطريق الصحيح الى تربية الببغاوات، فضلا عن انه مالنا غنى عن الكروانات حتى مع تربية الببغاوات

أخوي without heart
انت تحب الكوكاتو ويتهيأ لي انه حتى لو صرخ طيرك الين بكرة ، ماراح يكون عندك أي مشكلة لأنك تحب طيرك وتحب نوعه ولا انا غلطان
الكوكاتو ممتاز و واحساسه عالي لكن ما اعتقد انه اختيار موفق لشخص توه يبتدي تربية ، مو كل شخص يتحمل صوته و موده المتقلب احيانا.
وبيني وبينك تجربتي مع الجالا ممتااازة جدا، اتمنى ما تحكم عليها قبل ماتجرب تربي او تتعامل مع جالا ثانية يمكن تتغير فكرتك.

ياسلام عليك
الشغله مو تعصب مثل ماقال الاخ العزيز ابو عمر او غيره انت شخصيتك وش تحب بنسبه لي ابي طير لعوب جميل متعلق فيني
غيري يبغى هادئ متكلم وتختلف الطيور وتختلف تربيتها وتنشأتها على حسب البيئه والتدريب الي مهيأه له هذا الي اعنيه وبعض الاخوان يعتقد المواصفات والمعلومات عن الطيور قرآن منزل لايخطئ ابدا وهالشيئ غلط هذا حيوان وبتوجيه يمشي عالم روضت اسود ونمور وبطبيعتها مفترسه
يعني مو شرط يكون طيرك نفس المكتوب انما المعلومات المذكوره عن الاغلبيه ولابد لها شذوذ

وبنسبه للجالا كانت سيئه جدا معي هل انا كذاب ؟ والحين انت تمدحها هل اقدر اقول مانت صادق الجالا مزعجه ؟ لا اذا كانت المعلومات تقول انها هادئه فالقاعده شذت معي يمكن اخطأت بتدريبي او ماهيأت الجو المناسب لها .... يعني مو كل الطيور نفس بعض وهذا مقصدي

سواء الاخت صاحبة الموضوع يهمها الطير جميل ولعوب ومتعلق يعني من صنفي للبغاوات تقتني واحد او اذا كانت تبحث عن متحدث وهادئ تبعد عن الكوكاتو لان صعب يتكلم وصعب مايلعب طول اليوم يعني على حسب مودك اختر طيرك ولاتحكم على كل الطيور بتشابه

ودمتم بود