الفزززززززززعه ياهل الخبرة

[j7roob]

اسعد الله اوقاتكم بكل خير

حبايبي انا جدييييييييييييد في عالم الببغاوات

المهم

اشتريت ببغاء كاسكو تمنه الطير صحته جيده او كذا احس

المشكله مايبي ياكل الا حب عباد الشمس ويمووووووووت في الخبز وخاصة ( الصامولي ) ومع الشاهي بعد
اشتريت للطير قفص جديد وكبير بس المشكله مو راضي او مايبي القفص هذا لاني اذا حطيته بالقفص حقه الاول يرووووووووق

الالعاب اشتريت له كثييييير العاب بس يخاف منها ومايقرب لها

والكلام مو كثير اكثر شي الصفير والصراخ مع العلم ان الطير مايجعر وأليف جدا

افزعو لي تكفوووووون

ابي اعرف الحين لو اخليه بالقفص الجديد ممكن يتعود عليه ؟

بالنسبه للاكل عادي ياكل حب عباد الشمس وصامولي بس ؟

والالعاب كيف اخليه يتعود عليها ويلعب فيها ؟



اعتذر منكم للاطاله لكن والله مالي غير الله ثم انتو

[j7roob]

[طلع لي قرون]

ويسعد اوقاتك بكل خير ..


اسمح لي اخوي .. بقدم الي اعرفه .. واعذرني ..


اولآ الف مبروك على الطير .. ويتربى بعزك ..

والله يحفظه لك ..

ثانيآ .. اتمنى انك تدخل على المواضيع المهمه المثبته ..

تتعلم منها كيف تتعامل مع الطير الجديد .. وكيفية تدريبه ..

ثالثآ .. شيل كل الالعاب من القفص الجديد ..

وخلي الطير يوقف عليه .. مو بضروري تدخله القفص ..

وامسك لعبه بيدك والعب بها قدامه .. واذا عندكم بالبيت اطفال ..

خلهم يلعبون قدامه بالالعاب وانت لعبهم ..

بعدها روح عنده باللعبه وقربها منه .. بيعضها او يهرب

اذا عضها اضحك له وقوله شاطر وخلك مستانس ..

اذا هرب ابعدها وارجع العب بها قدامه .. يومين وراح يتعود عليها ..


بالنسبه للاكل .. هو ما تعود الا على عباد الشمس ..

لكن جيب ربع تفاحه مقطعه جزئين ..

وقدمها له .. اذا اخذها ورماها سوي نفس الشي مع اللعبه .. قوله شاطر .. وخلك مستانس لا تقولها بدون تعابير فرح ..

اما اذا ما قرب منها كلها قدامها .. بس كلها شوي شوي .. يعني جزء جزء .. وخله ينتبه انك تاكلها ..

وبعدها قدم له الجزء الثاني ..

هو اذا عضها .. راح ياكلها حتى لو رماها .. يومين ويرجع ياكلها .. لان طعمها راح يشده ويخليه يستطعمها ..

طبعآ ما ننسى التجويع .. تجويع لمدة ساعتين فقط .. لا تزود عليه اكثر من ساعتين ..

التجويع يكون بعد ما يذوقها ويرميها ..

يعني يكون عارف انها اكل ..

تشيل صحن الحبوب عنه .. وبعد ساعتين تجي وتقدم له قطعة تفاح ..

اذا اخذها بفمه ورماها .. حط له الجزء الثاني بصحن وخلها عنده وروح عنه ..

بعد ربع ساعه ارجع .. اذا لقيت قطعة التفاح مثل ماهي .. شيلها .. وكرر عليه الموضوع .. وكلها قدامه

وثلاث ايام بالكثير وراح ياكل منها .. والافضل انه ياكل من يدك ..

وان شاء الله اني افدتك .. مع اني طولتها بالحيل .. << قرقر واجد ..

[j7roob]

الله يسعدك ويكتب لك الاجر ع المجهود

[ٌابوعمر]

المشاركة الأصلية كتبت بواسطة j7roob

اسعد الله اوقاتكم بكل خير

حبايبي انا جدييييييييييييد في عالم الببغاوات

المهم

اشتريت ببغاء كاسكو تمنه الطير صحته جيده او كذا احس
الف مبروك يتربى بعزك وان شاء الله صحته ممتازه واذا كنت شاك حط صور ونفيدك ان شاء الله
المشكله مايبي ياكل الا حب عباد الشمس ويمووووووووت في الخبز وخاصة ( الصامولي ) ومع الشاهي بعد لا تعطيه شاهي بس صاموي عليه بالف عافيه بس لا تكثر منه مرتين بل اسبوع كويسه
اشتريت للطير قفص جديد وكبير بس المشكله مو راضي او مايبي القفص هذا لاني اذا حطيته بالقفص حقه الاول يرووووووووق وقت بسيط ويتعود عليه

الالعاب اشتريت له كثييييير العاب بس يخاف منها ومايقرب لها
برضو وقت قصير ويتعود عليها
والكلام مو كثير اكثر شي الصفير والصراخ مع العلم ان الطير مايجعر وأليف جدا
عادي يمكن توه بادي يتكلم تكلم معه كثير عشان يلقط منك الكلام ويتكلم كثير ما شاء الله تبارك الله كويس انه اليف
افزعو لي تكفوووووون

ابي اعرف الحين لو اخليه بالقفص الجديد ممكن يتعود عليه ؟
ايه نعم بيتعود
بالنسبه للاكل عادي ياكل حب عباد الشمس وصامولي بس ؟
حاول معه عطيه كل انواع الاكل فوكه خضروات عضم دجاج حاول معه وان شاء الله انه بياكل
والالعاب كيف اخليه يتعود عليها ويلعب فيها ؟

حط له لعبه وحده صغيره شوي وبيدفعه الفضول يروح يستكشف وش هاذا الشي الجديد وبيتعود عليها

اعتذر منكم للاطاله لكن والله مالي غير الله ثم انتو

وبتوفيق ان شاء الله

[بلاك بيري]

ماشاءالله افادوكم الاخوان

بالتوفيق

[ذكريات بادجي]

الشباب ما قصرواا

[O.habeeb]

الاخوان ما قصروا

[آنآستــآزيآ]

.. أهــلاً وسهــلاً بكـ فــي عالمنــاا .. ^_^ ..

.. ألــف مبــرووكـ الطيــر الجديــد .. يتربــى بـ عــزكـ يــآرب ..

.. والأخــووة قــروون وأبــوو عمــر مــاا قصــرووا ويــااكـ .. ^_^ ..

.. آنآستــآزيآ ..