كلبتي حامل و عندي استفسار :)

[Bo-Rashed]

السلام عليكم ...

اخواني عندي كلبه حامل حاليا صارلها 16 يوم وابي استفسر عن :

1- في تطعيمات طايفتها .. هل يوجد مانع من تطيعمها وهي حامل ؟

2- كنت استخدم الكاند فود (pidegree) ونصحوني احول للدراي فود من نوع ( Royal canin junior) من الحين لبعد الولادة .. هل هو فعلا افضل ؟ وها التغيير يجب ان تدريجي ؟

3- ونصحني احد الاخوة بتقديم حبوب الكالسيوم للكلبه خلال فترة الحمل ؟

4- عطيت كلبتي حبوب الدود قبل شهرين تقريبا .. هل هناك مانع من اعطائها الآن ( وهي حامل ) ؟

5- ياريت لو هناك اي نصائح اخرى تقدموها لي لكلبتي الحامله ؟

وشكراً وآسف عالإطالة

[Musab Pro]

مبروك الحمل و ان شاء الله ربي يبلغك بجراوه ياخذون القلب

بالنسبه لاسئلتك :

١. ما انصحك ابدا اعطائها التطعيمات الحين مالك الا تخليها بعد الولاده باسبوعين او ثلاثه .

٢. رويال كانين ممتاز بالنسبه لنوعية الجونيور هي مخصصه للجراء الى عمر ١٥ شهر .

ممكن انك تستخدمه مع الكلبه الحامل و ان شاء الله ما فيه اي مشكله .

بالنسبة لطريقة انتقالك من الاكل القديم الى الاكل الجديد هي على حسب قابلية كلبتك .

لو ما تقبلت الطعام بسرعه ممكن تخلط النوع القديم بالجديد ،، وتدريجيا تقلل نسبة الاقل القديم .

٣. ما يحتاج الكالسيوم فترة الحمل ،، لكن بعد الحمل فيه حبوب من نوع hartz تعطيها للام

هي ملتي فيتامين و فيه منها نوع للكلاب اللي ترضع جراوتها .

٤. ما يحتاج الحين اي حبوب .. حاول تحافض على اكله طبيعي و بدون ادويه

تعطيها حبوب منع الديدان بعد الولاده باسبوع و الدواء راح ينتقل عبر الحليب للجراء .

٥. انصحك تمشيها بهذي الايام شوي ولا تكثر عليها التدريبات ولما تحس انها تعبت وقف على طول

حاول تعزل عنها اي ذكر و تهيئ لها جو مناسب دافئ و نضيف .

لما يقترب موعد الانجاب هيئ لها مكان نضيف و معقم ،، حط لها بطانيه نضيفه عشان تولد عندها

عقم اثداء الام و اغسلها بماء دافئ .

و لما تولد بشرنا و ان شاء الله النصائح تجيك اكثر .

تحياتي لك .

[Bo-Rashed]

مشكور اخوي

كفيت ووفيت

افدتني يزاك الله خير

وان شاءالله ابشرك بعد الولاده )