بستي جاها إسهال مفاجئ

[الخبيرة ناديا]

لابد تشوفي نوع الاسهال ولونه حتى نفيدك بالعلاج .

ننتظرك .

[الدلع]

شكرا جزيلا لكم على المشاركة ومتأسفة هد حيلي الرشح وبالكاد قدرت أدخل المنتدى
Octopus : الي أذكره إنها أكلت دجاج معنا يعني من نفس الي نطبخه مو مسلوق ثم نامت ولما قامت لاحظت الوالدة أكرمكم الله إن برازها تغير من الصلابة وصار رخو .
شاهستا : تشرب حليب بس قطعته حاليا عنها وتاكل الدجاج سواء مسلوق أو مطبوخ عادي ولا أعطيها دراي فود ما قدرت أوفره حاليا لأنه قليل في السوق فأكون شاكرة للي يعطيني على الخاص وين أقدر ألقاه في الرياض يعني توصيف دقيق للمكان ما أبي أي نوعيه ثانية ونوعه ( رويال كانين ) ( baby cat 34 (
وصار لها يومين وهي ترقد في غرفة الوالدة باردة على الرخام وترفض تنوم في سريرها بس تنوم على سرير الوالدة والوالدة تخاف تأذي البسة لو انقلبت عليها ولا يمكن اني أحطها عندي لأن عندي بسة ثانية وما بعد صار بينهم تآلف قوي .
الخبيرة ناديا : الله يكرمكم يشبه معجون الأسنان في قوامه ولونه بني غامق قريب من الأسود .
عندي مشكلة انضافت لهذي المشكلة وهي اني لاحظت بستي الكبيرة من فترة خشمها يطلع سوائل قبل ما نمرض ولما انصاب البيت تقريبا كله بالرشح سمعت اليوم منها صوت مثل العطاس المكتوم ومتواصل ورا بعض
والبلشة إن البسة الكبيرة ومن باب التطفل وبعد الشمشمة شربت من صحن الصغيرة موية ثم جت الصغيرة وشربت بعدها وتنفسوا في وجه بعض كم مرة هل فيه امكانية انتقال امراض بينهم؟؟
هل إضابتنا بالرشح تنتقل للقطط ووش أسوي الآن