مبتدئة و محتاجة مساعدة ضرورى

[queen2020]

السلام عليكم ورحمة الله وبركاته

دا اول تعامل ليا مع الطيور عامة . بس انا قريت كتير قوى فى المنتدى هنا واستفادت كتير جدا لانه منتدى ممتاز واعضاء وادمنز ممتازين بجد
انا اشتريت جوز بادجى صغير البياع قالى انهم 4 شهور .. وعندى شوية اسئلة

- انا بحط للعصافير اكالة فيها الحبوب بصفة دايمة واكالة تانى بحط فيها كل يوم وجبة من البيض او الخضروات او الفاكهة لوقت معين وبشيلها قبل ما يفسد الاكل ..بس لاحظت ان طيورى مش بيقبلو قوى على اى اكل غير الحبوب ومش عارفة السبب فى انهم اول مرة ياكلو الاكل ده ولا لان الحبوب قدامهم دايما ؟؟؟؟
- مية الاستحمام هل اخليها دايما جوا القفص ولا احطها فى اوقات معينة وكام مرة فى اليوم او الاسبوع ؟
- هل الفيتامينات مهمة -البياع قالى مش مهمة -ايه رايكم؟
- عضم الحبار -- اعرف منين ان العظم عاوز يتغير بواحدة جديدة -- يعنى انا حطاها ليها 5 ايام اغيرها ولا ايه ؟؟
- العصافير اكيد اقل من 4 شهور -- اعرف ازاى انهم 3 شهور او شهرين مثلا ؟؟؟ هما ريشهم مكتمل..
وشكراااااااااااااااااااا