منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
 |
 |
|
|
|||||||
| المنتـدى | نسيت كلمة السر | تفعيل حسابك | لطلب رمز التفعيل البريدي إلى بريدك | البحث | مشاركات اليوم | اجعل جميع المنتديات مقروءة |
 |
|
|
أدوات الموضوع | إبحث في الموضوع | طرق مشاهدة الموضوع |
21-06-2011, 04:03 PM
|
#1 |
|
هاوي فعال
|
القطوة الجديدة بتجي على يدكم ان شاء الله .. <3
كيفكككم يااعضاااء .. يالله وربي لكم وحشة كلللللللللكم  من زمان مادخلت على هالمنتدى  والحين راجعة لكم وابي حل .. احس انككم بتحذفوني انا وموضعي من الشباااك  بس لجل عين لوسي كل شي يهون يمكن بعضكم عرف ان اهلي خذوا مني قطوتي والحين انا ابي اجيب لي قطوة غيرها امي مواااافقة بموضوع القطوة بس ابوي رافض وبقوووة يقووول ان القطوة تحتاج مكان واسع وشمس وتهوية ماتقدر تعيش بشقة وانا اعرف بنات كثير صديقاتي عندهم قطاوة وساكنين بشقق قلت له قال لا وقلت له ان صديقتي ساكنين بشقة وقطوتهم حامل وودلت وعادي ماصار لهم شي بس مافي مو راضي يقتنع يقول لازم نروح بيت جديد بعدين جيبي لج قطاوة مو قطوة اكثر من مرة اروح له والله اصيح عنده يعصب علي + يقول لي انا قلت لج مافي قطوة الا بالبيت الجديد واحنا مابنطلع بيت جديد ولا شي بس يقول لي كذا عشان اسكت ! ويقول ان صديقه عندهم قطوة وساكنين بشقة وشعر بنته كلللله طاح لما تصير عندهم مناسبة يروح يشتري لها باروكة قلت له يمكن قطوتهم مو نظيفة ااو مو مهتمين فيها مااقتنع انا كان عندي قطوة أول وقعدت معاي 8 شهور تعلقت فيها كثير وصرت اعاملها مثل بنتي بعدين طلبت تزاوج وكان زواج اختي قريب وكننا مختبصين لتجهيزات الزواج وحاول فيني ابوي واقنعني وخذاها مني .. والحين لما اتذكر اندم حيييل المهم اللي فوق كله مو مهم هذي بس مقدمة << احلفي كل ذا مقدمة اذا هذي مقدمة اجل شلون الموضوع  لآلآ هدووا امزح معاكم اللي فوق موضوع  اللي ابيه منكم الحين طرق مقنعة الف بالمية مو بس مية بالمية عشان يشتري لي قطوة والله اني مو قادرة اعيش بدونها بكل مكان بالبيت اتخليها !!
__________________
|
|
|
|
21-06-2011, 04:30 PM
|
#2 |
|
هاوي فعال
|
رد: القطوة الجديدة بتجي على يدكم ان شاء الله .. <3
طيب اسمعي حاولي ماتكلين واحبسي نفسك زيي << فيلم هندي قلت اذا ماجبتولي قطوه والله ماتشوفون خشتي ناطه لكم قالو بكيفك بس اول ماسويتها صدق ولا طلعت من غرفتي وسويت بكاء وصراخ يقالي انجنيت بالغرفه جابوولي واقسم بالله وسوي راب حزين وحركات واكتبي بالبي بي او المسن ابي قطوه يمكن صديقاتك يسوو لك مفاجاه او اختك او بنت خالتك الـــــــــــخ ولا حني وزني على ابوك << كثر الدق يفك اللحام وعطيه كلمات محزنه يمكن يرحمك ويجيبلك وسلام يمكن افدتك وكل الي ذكرته مجررب شخصي
__________________
|
|
|
|
|
21-06-2011, 04:35 PM
|
#3 |
|
عضو برونزي
|
رد: القطوة الجديدة بتجي على يدكم ان شاء الله .. <3
حاولي اقناعهم بعلاماتك الجيدة في اختباراتك ...
__________________
التوقيع مخالف |
|
|
|
|
21-06-2011, 09:24 PM
|
#4 |
|
هاوي
|
رد: القطوة الجديدة بتجي على يدكم ان شاء الله .. <3
اول شي انا ساكنه في شقه وجبت قطوه وش رايك فيني اقولك عاد كيف الطريقة الجهنمية الي جبت شوجي فيها انا من زمان احوس وادور عند مواضيع القطاوه وصورهم ومواضيعهم وانا واخوي كل كلامنا عنهم وكان يقولي يلا خلينا نشتري بس ماكنت بصراحه اعرف انواع القطط وان فيه قطط متربية على الحمام وفيه بوكس للحمام وهالاشياء قلت له ودي بس اخاف اتورط فيها وخاصة ان البيت الصغير المهم وجى ذاك اليوم الموعود وبالصدفه طبيت انا وياه على محل لبيع القطط وووووووووووووووووووشفت الي ماحلمت فيه وجتني حاله هستيرية في المحل اصارخ ابي هذي ابيها مالي ابيها تخيلي داخله المحل ومامعي ولاريال ههههههههههههههههههه المهم عجبتني وحده مررررررررررره انجنيت عليها وتحمست اشتريها  رحت للبيت وكلمت امي وهي عاقده الحاجب وماعطتني وجه واكلمها على انو انا حضرتي خلاص قررت اجيب القطوه ورحت اعد فلوسي واجهز كل شي يوم شافتني انا واخوي متحمسين قامت تصارخ علينا وتهدد وتوعد اخوي اعرفه يخاف ويتردد رحت احمسه من جديد وان امي مردها بترضى <<< ان كيدهن لعظيم لازم اقنعه علشانه هو الي بيوديني وتأخرت 3 ايام على هالحوسه وجى اليوم الي قررنا فيه نطلع ونجيب القطوه قلت لاخوي انا بس بجيبها وابحطها في غرفتي ابي بس اضمن دخول القطوه لغرفتي اذا دخلت هذا وجهي اذا طلعت بس انت سلك لي الدرب <<<< حسيت اني مهربه ممنوعات وطلعنا ذاك اليوم وامي نايمه ورحت المحل ادور القطوه الي ابيها لقيتها انباعت جلست اصيح قلت لاماااااااااابي حرام عليكم ليه انا ابيها قالي انتي تأخرتي كثير وانا اقول في نفسي جالسه اقنع مجلس الامه حقنا  اغلب القطاوه ماشاءالله راحت ماعاد بقى الا 3 اثنين فيراني غامق وشوجي لبى قلبها قلت خلاص ابي هذي بعد ماتفحصت وجهها وحسيت بذبذبات المحبه تحركت شريتها وجيت لقيت امي جالسه بنص البيت تكلم بالجوال ههههههههههههههههههه ودخلت وانا حاطه القطوه في شنطتها امي تناظر بطرف عين وعروقها بتطلع وارررررررررررركض ركض لغرفتي واقفل الباب وقلت لاخوي قبل بعدين نزل اغراضها اهم شي ادخل التهريب ههههههههههههههه وحطيتها عندي يومين في الغرفه شوي شوي شافتها امي بالصدفه يوم شافتها صغيره مررررره ونظيفه حبتها وصارت تقولي يلا قومي وكليها حرام عليك وصارت الحين تحبها اكثر مني وتهاوشني الحين علشانها طولت عليك بالكلام بس ابيك تستفيدين حاجتين ان اول شي بيتنا شقه وعادي والنوع حقي قريت عنه انه عادي يعيش في بيوت صغيره وبالعكس كل ماجي اطلعها برا للهواء والشمس تخاف وتدخل وثاني شي اني حطيت اهلي امام الامر الواقع ولما بيشوفونها مردهم يحبونها يلا ان شاءالله تبشرينا بقدوم قطوتك
__________________
اللًهم أني أستودعتك قطتي فأحفظها لي }  |
|
|
|
|
24-06-2011, 03:12 AM
|
#5 |
|
هاوي نشيط
|
رد: القطوة الجديدة بتجي على يدكم ان شاء الله .. <3
اقول لك حركات التهديد "ترا والله لأسكر باب غرفتي .. والله ما آكل .. والله ما ادرس .. والله لأطلع من البيت" كلها ما تنفع .. أولاً : انتي تكلمي معاه كأنك واااثقه انه بيوافق وكأنه أصلا ما فيه سبب انه يرفض << يعني حسسيه انك واثقه بانه شي بيعجبه ثانياً : لا تبينين له انك شي يهمك مرره يعني لا تبكين وتكلمي بروح مرحه ومزاح وكذا ثالثاً : قولي له جربني اسبوع واحد وان تضايقت مره وحده من القطوه على طول بيعها ولا عطها أحد .. أو شميت ريحة أو تحسس أحد بالبيت .. واذا ما نفع قولي ثلاث ايام رابعاً : وريه احاديث نبوية وقولي له باتبنى مو لازم اشتري نكسب فيها أجر "بكل كبد رطبة أجر" << قولي له كذا تحرمني الأجر واتمنى يوافق وتجيبين أحلى قطوه وتعيشين بسعاده انتي وابوك وقطوتك
__________________
|
|
|
|
|
24-06-2011, 04:02 AM
|
#6 | |
|
هاوي
|
رد: القطوة الجديدة بتجي على يدكم ان شاء الله .. <3
اقتباس:
مي تو سويت الحركة ووافقو والقطوة جاية يوم الثلاثاء |
|
|
|
|
|
24-06-2011, 08:40 AM
|
#7 |
|
عضوية شرفية
|
رد: القطوة الجديدة بتجي على يدكم ان شاء الله .. <3
اختي llosy
اوافق الاخت فطووم بكلامه وايضا تقدري تعرضي عليه تجربتك السابقة وانه ما ضرتكم ولا ضرها وماكان فيه مشاكل وحاولي تعرفي بالضبط ايش السبب اللي اهو رافض القطط عشانه حتى تقدري تجيبيله الجواب الوافي بخصوصه موفقه
__________________
سـبـحانـ اللهـ و بـ حمدهـ .. سـبـحانـ اللهـ الـ ع ـظيمـ
|
|
|
|
|
26-06-2011, 11:35 PM
|
#8 | ||||||
|
هاوي فعال
|
رد: القطوة الجديدة بتجي على يدكم ان شاء الله .. <3
اقتباس:
هلآ بيج .. اممم لما احبس نفسي ومااكل وهو موجود آكل لما يطلع عادي امي لما تشوفني آكل بدون ابوي مايدري عادي تسكت بس عندي اخت يالله ملقووووووفة ملقووووووووفة بس تشوفني مااكلت ولما يطلع ابوي آكل على طول تروح تقول له ترا بنتك لما تطلع بتآكل .. ومابيهمه .. وسويت بالفيس بووك والمسن مظاهرات على القطوووة الكــــــــل رحمني بس اللي اعرفهم مايقدرون يجيبون لي عشان محد يوديهم ويجيبهم واصلا انا مابرضى يدفعون لي 500 مابي اخسرهم ومن جهة الحنة شهر كاااااامل وانا احــــــن واحـــــــن وآخر مرة هزأني بقووووووووة وماكلمته مرة ثانية اقتباس:
السبب اللي يخلي ابوي يرفض " صديقه كان عندهم قطوة وساكنين بشقة وكانوا يطعمون قطوتهم وشعر بنتهم طاح كللله والحين صارت صلعة .. يقول صديقه قال له وحلف له بعد " وهالسنة شديت حيلي بالأختباارت حيييل وجبت نسبة الحمدلله زينة ومارضى يشتري لي قطوة :'( اقتباس:
ايووووووووا هنا مشكلتي .. الأخووو >< لوو كان عندي أخو كان من زماااااان عندي قطوة بس انا ماعندي ولآ أخو انا اقدر اشتري قطووة واحطهم قدام الأمر الواقع مو مترددة ابداً من هالجهة بس مشكلتي بالأخو :@ اقتباس:
أولاً : بشووف بجرب اكلمه بهالطريقة :s ثانياً : ماقدر ابدددددددا لأني مجرد مااتخيلها دموعي تطيح :$ ثالثاً : لآزم بيتضايق منها .. لأن محد بيشتري لها الأكل والتراب الا هو >< والليتر بوكس اكثر شي يتضايق منه .. الليتر بوكس لما تقضي حاجتها لازم بيطلع ريحة بالبداية ولأننا بشقة تنتشر الريحة بسرعة والتراب اللي برا الليتر بوكس مابقدر كل مرة اروح اخم وراها وماقدر احطه بمكان مخشوش لأن شقتنا صغيرة =( رابعاً : اصلاً اهو قال لي ان صوت القطوة بالبيت يبعد الشياطين ومن الناحية الدينية اهو يعرف اكثر مني اقتباس:
ياااارب يبارك لج فيها ويارب يوافقووووون :'( اقتباس:
ضرت اهلي بشعرها اللي كان يتساقط وريحة الليتر بوكس مع ان امي الله يعطيها العافية كانت تنظفه بأستمرار وبصوتها لما طلبت تزاوج
والسبب الرئيسي كررته فوق عشانها تسبب تساقط شعر
__________________
|
||||||
|
|
|
|
26-06-2011, 11:39 PM
|
#9 |
|
هاوي فعال
|
رد: القطوة الجديدة بتجي على يدكم ان شاء الله .. <3
ربي يعطيكم الــــــف عااافية بميزان حسناتكم ان شاء الله .. الله يقضي حوائجكم وحوائج جميع المؤمنين والمؤمنات
__________________
|
|
|
|
|
27-06-2011, 12:04 AM
|
#10 |
|
محترف
|
رد: القطوة الجديدة بتجي على يدكم ان شاء الله .. <3
طريقتي آلي دآيم آجيب القطآوه فيهآ =] آروح آشتريهآ و آخذهآ معي وآدخلهآ في غرفتي , تجي تصحيني من النوم وتشوفهآ وتقول وش ذي , "هنآ يبدآ الكلام "يمه لقيتهآ في الشآرع يمكن ضآيعه من آي حد يدورهآ آلحين , بخليهآ عندي لين آلقى صآحبهآ , عآد آمي ترحمهآ =] بس زي مآقلتي مآشكلتك مآعندك آخو =[ بس فيه طريقه مآدري تنجح معك ولآ لآ ؟ كلمي آمك وفهميهآ الوضع , وخليهآ تكلم آخوهآ " خآلك " يجيب لك قطوه ويعطيك آيآهآ قدآم آبوك هديه وآذآ قآل آبوك طلعيهآ قولي الهديه لآ ترد ولآ تنبآع .. آلخ من هذآ الكلآم , طبعآ آنتي تشترين البسه و تتفقين مع خآلك وآمك , آتمنى تجيبين بسه =] .
__________________
|
|
|
|
|
| Bookmarks |
| Tags |
| الجديدة, القطوة |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| طرق مشاهدة الموضوع | |
العرض العادي
|
|
جميع الأوقات بتوقيت GMT +3. الساعة الآن 12:19 AM.
الإدارة غير مسئولة عن أي اتفاق تجاري أو تعاوني بين الأعضاء
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
 |
 |
 |