حجم الببغاء الأفريقي ؟

[ملووووك]

السلام عليكم

عندي استفسارات عن الببغاء الأفريقي " الجامبو "

بخصوص الحجم .. قريت أن الحجم الطبيعي للذكر من الراس وحتى الذيل " 35 " سم .. وأقل بقليل للأنثى , فهل هذا صحيح ؟

وهل الحجم المذكور يشمل الفرخ , يعني للي عمره أقل من سنة ؟ .. أو الفرخ يكون حجمه أقل من " 35 " سم ؟

, وأيضاً هل من الممكن أن يزيد حجمه عن " 35 " سم .. إذا وصل عمره لسنتين أو خمس سنوات مثلاً ؟

الإستفسار الثاني بخصوص نتف الريش .. ملاحظ على الببغاء الموجود عندي أنه ينتف ريشه وتحديداً ريش الجناحين , فهل الأمر طبيعي ؟

ومشكورين مقدماً ..

[زيـآد]

المشاركة الأصلية كتبت بواسطة ملووووك

السلام عليكم
وعـــليكم ، السسسـلأآم ..~

عندي استفسارات عن الببغاء الأفريقي " الجامبو "

بخصوص الحجم .. قريت أن الحجم الطبيعي للذكر من الراس وحتى الذيل " 35 " سم .. وأقل بقليل للأنثى , فهل هذا صحيح ؟
تقــريبن مثـل ما قلتي واحيانن يجي اكبر بس قليله ، والذكر جرمه(حجمه) اكبر من الانثى ..~

وهل الحجم المذكور يشمل الفرخ , يعني للي عمره أقل من سنة ؟ .. أو الفرخ يكون حجمه أقل من " 35 " سم ؟
ايه ، يشششـمل الفـروخ فـيه فروخ ما شالله تبارك الله ، واقصد بـ الي اعمارهم فوق الـ 5 شهور ..~

, وأيضاً هل من الممكن أن يزيد حجمه عن " 35 " سم .. إذا وصل عمره لسنتين أو خمس سنوات مثلاً ؟
لالا ما يزيـد يعني الي اعرفه وعلى حسب حد علمي ،، انه وزنه ما يزيد مع ازدياد العمر بستثنا يومه فرخ ..~

الإستفسار الثاني بخصوص نتف الريش .. ملاحظ على الببغاء الموجود عندي أنه ينتف ريشه وتحديداً ريش الجناحين , فهل الأمر طبيعي ؟
جناح الطير مقصوص آو لآ ،، وكم عمر الطير ،، ما اقدر احددك ، بس يمكن يكون امر طبيعي ويمكن يكون مخالف ،، مثل الطير يمر بـ مرحله تبديل الريض يعني ينتف ريشه عشان يطلع له جديد <~ هـيك بيكون طبيعي

ويكون موب طبيعي اذا كان الطير ينتف ريشه بسبب حاله نفسيه <~ هيك بتكون غير طبيعيه ..~

ومشكورين مقدماً ..

عفـوآ ..~

[يوفاوي الكويت]

بالنسه للاحجام مالها شغل بجنس الطير

وانا قريت وسمعت من الاعضاء ان الانثي تتعلم ووتكلم قبل الذكر

والكلام غير صحيح لانهم مو عارفين اذا ذكر او انثي الا بتحليل dan

والتحيل هذا مو موجود بالوطن العربي

اما نتف الريش اذا كان ريش الجناح اتوقع انه ما ينتفه الا فتره تبديل الريش

او ينظف الريش بمنقاره

السؤال هو

الي تلقينه بالقفص ريش او الزغب الابيض الي مثل القطن ؟

اذا الزغب هذا طبيعي هذا تبديل ريش

انصح بعظمة الحبار والتنويع بالاكل واذا ما حصلتي عظمة الحبار

الكالسيوم يفي بالغرض

[ملووووك]

زياد

أي نعم الجناح مقصوص .. وعمره أقل من سنة



يوفاوي

لا يالغالي .. موب الريش الأبيض .. هو ينتف الريش الموجود بالجناح واللي بالذيل " اللي لونه أحمر "


ما قصرتوا .. والله يعطيكم العافية

[زيـآد]

بـكذا استبعدي انه ينتف الريش عشان يبدل ريشه ،، لئنه توه فـرخ ..~

ثاني حاجه يعني حتى لو المقصد انته ينتف ريش عشان يطلع له ريش ويطير ، ماله دخل الذيل ( الاحمر) ..~

الله يستر لا يكون حاله نفسيه ، بس انتي حاولي انك تجلسين مع الطير كثير ، وتشغلينه ، واشتري له العاب ، الخاصه بـ الببغاء ،، عشان تلهيه عن نتف الريش ..~

لئن بعدين الله يستر يمكن يتعود عليها ، ويصير ينتف بـ سبب وبدون سبب ..~

[ملووووك]

أي دايم أجلس معه .. وبحاول أسوي اللي قلت لي عنه , ومشكور ما تقصر ..

بس عندي إستفسار أخير عن الحجم .. دامه فرخ .. فشيء طبيعي أن طوله ما يكون " 35 " سم , صح ؟

لأن طول اللي عندي أقل من ثلاثين !!

[زيـآد]

على فكره ، ترا الاحجام ، فيه " عادي ‘ جامبو ‘ سوبر جـآمبو " ،، بس ما ادري بـ التحديد كم بيطلع حجمها بـ السانتي متر ..~

والطير ما يكبر حجمه مع تقدمه في العمر ، لو كان يكبر حجمه مع تقدمه في العمر كان الناس قدرو يحددون عمره عن طريق حجمه ،، بس تحديد العمر عن طريق لون العيون ..~

فيه حاجه نسيت اقولها فـوق ، عن نتف الريش ، يمكن يطلع ان الطير ينظف ريشه ويرتبه ، يعني يشيل الي موب مرغوب فيه ..~

[ملووووك]

أي وهذا اللي أنا قلته بنفسي لما شفته ينتف ريشه .. بس أنت خوفتني هههههههههه

الله يعطيك العافية