كما تحب أن يرد عليك الأعضاء قم بالرد عليهم،، ||~العملية طرديه~||

[مهووس الحيوانات]

أنا مو مع جوسي ولا مع طلحة

يعني في حالات تحس انك الأفضل ترد و في حالات تحس ان الأفضل ما ترد

مثل ( حالات عدم الرد فيها أفضل ) :

1- لما تقرأ الموضوع و تكون مثلاً ماتعرف عن ايش يتكلم ، ما يحتاج ترد لأنك ماتعرف وش المكتوب ، يعني مابتعرف وش ترد

( مثال : انك تقرأ موضوع في قسم الكلاب مثلاً و هواة الكلاب فاهمين كل شي فيه و انت ماتدري شسالفة ، الأحسن ماترد )

2- انك تقرأ الموضوع و ماتدري وش ترد وتقول

( مثال : انه واحد يكتب موضوع عن شي مايهمك أبد ولا بمقدار ذرة و تحس انك لو كتبت شي بيكون ماله داعي )
( مثال آخر : انه واحد يكتب موضوع نقاش ، و انت ماتبغى تدخل في هالشغلات "أو" ماعندك رأي معين في النقاش المكتوب )

3- ان الموضوع يكون فعلاً و بصراحة "سخيف" ، أو ماله نفع

4- انك تدخل موضوع و ما تقراه كامل أو ماتقراه أصلاً ، ليش ترد ؟؟

5- انه يكون الموضوع سؤال و انت ماتعرف الجواب !

و غيرها

و من الـ( حالات الأفضل ترد فيها ) :

1- ان الموضوع متعوب عليه ( و غير منقول ) و انت قريته بالكامل لكن مالك رأي أو شي تقوله ، فـ تكتفي بالشكر على المجهود

2- انه يكون موضوع نقاش وعندك رأي فيه ، الأفضل انك تشاركنا رأيك

3- لو كان الموضوع فعلاً و بصراحة حلو و عجبك ، تكون غلطان لو مارديت ولو بشكر

4- لو كان الموضوع سؤال و عندك جواب له ، تكون غلطان لو مارديت و ساعدت اخوانك

5- لو كان الموضوع مب سخيف و تحس انه موضوع عادي أو حتى موضوع زين لكن محد رد عليه لفترة طويلة ، يفضل انك ترد ، لكنك مو مجبر و مافي مشكلة في هذي الحالة لو مارديت لكنه فقط "مفضل"



هذا رأيي