الدرة

[كاسكو البحرين]

المشاركة الأصلية كتبت بواسطة بايثون

بالنسبة للدرة ما يتكلم كلام بالضبط حسب خبرتي (عندي دره عمره سنتين مربيه أنا من كان عمره ست أيام وموالف علي مره وانا مثل أمه)

طبعا الدره اللي عندي على سبيل المثل وهو اللي لاحظته على كل الدره الأليفه اللي شفتها .. يصفر تصفير قريب للكلام .. قريب جدا .. وانا مسميها توته وكل ما مسكتها اردد الكلمه عليها من كانت صغيره .. تصفر تصفير يشبه كلمة توته بالضبط .. وتقلد صوت ضحكتي وتصفر تصفير يشله كلمة السلام عليكم .. لكن عمر دره من الدرر اللي ربيتها ما تكلم (حروف) مثل الامزوني والا الكاسيكو .. يتكلم حتى الكلمات الطويله لكن بتصفير ..

وحط في بالك ان نفسية الدره حساسه .. يعني اذا جلست تهبلها أو تأذيها أو تسوي شي ما يعجبها وكثر هالشيء .. تتعب نفسيا تكتئب وتبدأ تنتف ريشها بعنف وتؤذي نفسها وما تقدر تمسكها .. أو بمعنى أصح ما تجي على يدك .. ويا ريت نشوف صورتها علشان نحدد عمرها وحالتها

كفيت و وفيت ، سبق وكانت لي مثل هذه التجربة

تحيتي للجميع