أين تضع ببغاءك في المنزل؟ .. وأين تتركه عندما تسافر ؟

[بايبي]

والله أنا عن نفسي أعاني .. (أو بالأصح درتي سوسي تعاني ) ..من اضطهاد في البيت ... محد يبغاها ولا احد طايقها !! ... اللي يقرف ! واللي عنده شكك نظافة !! ... واللي ينزعج من صوتها .. واللي واللي ...الخ

فالمسكينة من يوم جبتها وهي متنقلة ! من مكان لمكان مني عارفة فين احطها !!
والمشكلة كمان انو انا عندي حساسية ما اقدر أحطها في غرفتي

يوم أكون حاطتها في الممر بين الصالة والمطبخ ... أجي أنزل الاقيها اختفت !!
أسال أمي فينها ؟؟ !! .... تقلي شلتها وحطيتها في المخزن عشان لا تصحي النايمين بزعيقها !!! <<< ايش رايكم ؟!!

[COLOR="Magenta"]واحيانا ياحرام تقعد في المخزن ساعاات لأني اطلع غرفتي وأنسى ارجعها مكانها !!

آخر شي قالولي وديها الملحق !!! !! ووقت ما تبغيها روحي أقعدي معاها هناك !! <<احسها من جد منبوذة !!
بس عصبت انا وقلت لااااااء والله ما اوديها !

انتو ايش رايكم في ؟؟ وكل واحد يدخل يقلي فين موقع ببغاءه في البيت ؟؟
عشان يعني الواحد ممكن ياخد افكار

____________


نفس المعاناه الين بعت الببغاء وحلفت على نفسي اني ارجعله او مااكون اسره وافتح شقه وبيت ذيك الساعه محد يقدر يحركه من مكانه هههههه

وعن طريق السفر مره روحت ابها وشلته معاي الايام هذيك ماانساها ايام لاتنسى بالتوفيق والله يعوضني بنفس الطيير اللي بعته قولو امين

وعلى فكره مره روحت البقاله وخليته في البيت ورجعت لقيت متليم علي البساس طلع الوالد حاطه في سيب الشارع ههههه الحمد الله اني لحقته قبل مايسير شورما وطيري نوعه يلوكران بس يلو على اسم مسمى ماعمري شفت طير مثل الاواحد وانباع ب 13000 الف بس الحمد الله جاب القيمه الللي في بالي واخذت رقم الرجال اللي بيشتريه قلت خليه فتره لو بيتبيع دق على بس اعرف مثل الطير هذاك محد يفرط فيه