حوار ونقاش ومقاطع خاصه بالفلور هورن (للمهتمين بالفلاور )

[oO مشــعل Oo]

بااك مع رجوع خدمة البلاك بيري


مسائكم عسل


معاكم حق اخواني في وجهة نظركم

ولكن الجهاز يوجد به مخفف لسرعات سحب الماء قوي ومتوسط وضعيف

نستخدم الضعيف في بداية السحب حتى ننتهي من سحب الفضلات ثم نضعه على القوي ونقلب الجرش وسحب الماء

بهذه الطريقه عندما انتهي من التغيير والتنظيف اجد الحوض نقص الربع فقط

اما عن تغيير الماء فانا اقوم بتغيير ربع الاحواض كل يومين

واما احواض التزاوج والتجهيز والتكاثر فيجب تغيير 10% من الماء يوميا


وكذالك احواض التفريخ والصغار فيجب تغيير 15% يوميا

فانا حاولت ان احببكم بماهو موجود لدينا ونترك ماهو بعيد وهو يقوم بنفس المهمات المطلوبه

[*حامي الحيوان*]

هههههههههههههههههههه معتفس مع البلاك بيري

أحنا نتكلم عن الاحواض العادية للتربية فقط

وأكيد الجهااز ما يغني عن تبديل المااء

ولاكن يسااعد كثيييييير في تنظيف الجرش

دوون الحااجة لسحبها مع المااااء

.
.
.

[أسماك الزينة]

موضوع رائع جدا جدا ومفيد

انا افكر اسوي لي حوض فلاور هورن بس خايف ماقدر اربيه لانو تربيته صعبة

شكرا لكم جميعا مشعل حامي الحيوان انجل مان د طارق الامبراطور

على المعلومات الرائعة

والشكر لباقي الاعضاء

والله موضوع متميز

[*حامي الحيوان*]

الشكر لأخوااني مشعل وأنجل

على المعلوومااتة القيمة
وأيضا شااكر لك مروورك الجميل ومنوور الموضووع

.
.
.

[انجل مان]

اخوي اسماك زينة !

من قالك ان تربيه الفلاور هورن صعبه !! بالعكس مافيه اسهل منها !!

والسمكه جدا ممتازة وعندها قوة تحمل بشكل كبير .. فأنصحك بها ..

[انجل مان]

اخوي حامي ..

ابشرك حصلت الجهاز المذكوور .. عندنا

وبصراحه ما توقعته كذاا ابداا .. الجهاز كبير .. وممتاااز جداااااااااااااا جدااا .. لكن فيه عيب واحد !!

سعره شوي غاالي ومبالع فيه . كونه فقط لتنظيف قاع الحوض والجرش !!

يعني حصلته عندنا بـ 450 ريال !.؟ مدري احس انهم مبالغين شووي بالسعر .. !!

بس بصرااحه عجيييييييييييييييييييييييب ...

[*حامي الحيوان*]

الله يبشرك بالخير

وأنت صااج هو غاالي شوي

ولكن سعرة فيه وبعدين هو من أيهيم

والصنااعة الالمانية ما عليها كلااام

وبصرااحة بيني وبينك

أنا كنت حااسب أحساابي أنه يكوون بألف أو 800

لاني حسيت أنه نزل علي بالضبط كنهم حااسين فيني

وأذا شريته عطني خبر عن فعااليته

يعني شغل مضبووووط ولا بس كلاام



وبالتوفيق,,,

[انجل مان]

طيب طيب ..

انا كنت رايح اخذ لي سماد وخشب متحجر .. وكم سوائل للحوض .!! خصوصا انه راح يكون مزروع وللديسكس !!

لكن عقدتني شغله وحده !!

الفلتر الخارجي !! انقرض من السوووق !! لقيت نوع جيبوو !! وانا عندي واحد لكن مو ذاك الزود بفعاليته !!

انا كان عندي واحد امريكيّ!ّ ورحت ادور مثله ما حصلت لفيت الدنيا عشاانه !! ولا حصلته !!

[*حامي الحيوان*]

زين شوووف أنا بنصحك بنووع ماركة صينية

مدري أذا موجوود عندكم ولا لا

بس شنووو روووعة

عندي حوووض مركب علية هالفلتر

وصاارلي 6 شهوور ما نظفته والماااي كرستااال

أسمة دولفين ( Dolphin )

[IMG][/IMG]


وأنشاااء الله تحصل ألي تبييه



بالتوفيق,,,

[انجل مان]

انا عندي واحد يشبهه بالضبط !!

لكن بدال الجسم لونه اخضر .. جاي كله اسود !!

ودورت مثله عندنا ولا لقييت .. وبصرااحه جداا ممتااااااااااااااااز .. وحتى رخيص مو غالي !!

اخوي حامي ..

اذا عندكم هالفلاتر .!! تقدر ترسلها لي عن طريق شحن !! احولك المبالغ كامل مع قيمه الشحن !!

وارسل لي 3 من هالفلاتر !! لكن دور لي اكبر حجم ! يعني من 2200 لتر / بالساعه !! الين 2500 لتر / بالساعه