انا لسة جديد فى تربية الهامستر و محتاج مساعدة اوى!!!!

[Mr.Black Devil]

مع أشد إعتذاراتي لجميع الأعضاء إلي ردو لكن متهيألي إنكو دوختو الواد
بص يا إبني بما إنك مصري زيز و شكلك كدة ساكن في مصر يبأة إنت إشتريت الهامستر من حتم من التلاتة دول ( سوق الجمعة وأنا لا أرجح شراء أي حاجة منو لإنو رغم إنو رخيص لكن كل حجاتو مضروبة و مريضة . محل من إياهم بتوع السمك والعصفير ودول مأرجحهمش برضو . أو أماكني المفضلة أمازون أو الريان . طبعا ً أمازون أحسن و له فروع كتير )
1- بص يا إبني الهامستر كائن لطيف جدا ً وسهلة تربيته تكاد تكون روتينية و غير مكلفة . وأنا أشجع تربية ذكر مع نتاية والروسي مبيعضش أيوة لكن ضعيف و مش حلو لكن إلي عندنة في مصر هو قالب أوي على سوري و بيعض لكن عضو بيبأة حاجة من التلاتة : يا إمة بيتعرف عليك و عضتو خفيفة نسبيا ً لكن متخليهوش يعض وإلة هيتعود أو بيلعب معاك و عضتو بتبأة تكاد تذكر ومبتعورش يا إمة خايف منك وودة للأسباب التالية : إنك مش حطتلو أكل أو وقعتو أو ضربتو أو لسة مش عرفك ولو مش عرفك حاول تسيبو كام يوم في القفص و خليك جمبو و بعد كدة أكلو بنفسكو بعد كدة إركن إيدك في الفقص و خليه يشمشمهة ولو حسيتو هيهجم شيل إيدك فورا ً و رجعهة تاني و هتلاقيه بعد كدة حط على إيدك حليب مكثف أو عسل و ليه يلحسو ووقتهة هيبأة صحبك
2- هم لمهمش موشم لكن هم حملهم مابين 16 إلي 21 يوم و بيجيبو ما بين 5 إلي 18 واحد . متتخضش كدة أنا جولي عشرة و فضل منهم خمسة و عادي حتى لو جم و حستهم كتار بيع يا معلم . لكن الهامستر السوري ( ودي معلومة غير معروفة برة مصر ) إلي موجود في مصر مهجن بين الروسي و السوري فبأة الإتنين واحد و هو كائن إجتماعي و بيعيش في عائلات و مينفعش تواجد أكتر من ذكر في العائلة الواحدة عند سن البلوغ ( 3 أشهر . وصحيح أنا شوفت موضوع ليك بتأول إنك إتريت واحد عندو 3 أسابيع . إنت إتضحك عليك يا برنس و للأسف إحتماليات بقائوه على قيد الحياة بسيطة لكن إبأة طمني على الإيميل بتاعي
mr_blackdevil@rocketmail.com
mr_blackdevil@live.com
وعادي بتحصلنة كلنة
وسعر الهامستر 20 جنيه يعني عادي كلهة قفص صغير ب 45 جنية و إتنين يعني 100 مقفلة بالأكل لمدة أسبوع ولو شاطر فاصل ماه شوية
لكن لو إشتريت واحد زي ما عملت أول مرة لية هيموت فورا ً بعديهة بشهر على الأكثر
3- لا طبعا ً فيهة مشاكل لإنهم بيتجننو و بيعودو يخبطو في القفص و يتخانقو رغم إن نظرهم ضعيف
4-بص هو إجابتي أنا إنك مش لازم تطلعو من القفص غير مرة كل يوم لمة يتعود عليك و ممكن مش 30 ثانية لا 30 دقيقة في الكورة مش أكتر وإلا هيدوخ و هيوعد يرجع
5- لا شكلهم حلو و ظريف و فضلاتهم بتوه مع نشارة الخشب و مش مححتاجين تغير عير كل إسبوعين دة لو 3 عيشين مع بعض
6- زي ما أولتلك مفيش غير الهامستر الهجين في مصر و لكن لو عايش برة مصر ممكن تلاقي الإتنين و أنا أرشح السوري لإنو أحلى و أنضف ( لكن خلي بالك ولازم تفرق بين الهامستر و الزعرور ولا المش عارف إيه دة و الخنزير الغيني ) وخصوصا ً أخر واحد دة لإن الصغيرين منو شبه الهامسترز الكبار
7- سبق و رديت عليه . راتجع إجابة رقم 4
8- لا سيبو برحتو عليهة لإنهة رياضة مفيدة ليه و هو لمة بيتعب منهة بينزل ينام وهم عادتا ً بيعودو فيها 3 ساعات باليل وخد بالك و هتلهم واحدة كبيرة عشان لمة يكبرو يعرفو يلعبو عليهة
أرجو إني أكون فدتك و إن شاء الله أي مساعدة أنا ممكن أديهالك و المنتدى كلو هيسعدك