استفسار عن تدريب الجرمن شيبرد

[Musab Pro]

اوكي يالغالي في اكثر من طريقة كلها تؤدي نفس الغرض .. stay

الطريقة اللي انا سويتها كنت اجيب معي اكل مثلا دراي فوود او شي يحبه حيل .. بتحصل الكلب ينطط عندك يبغى الاكل .
اعطه امر sit اذا جلس خل احد يساعدك ويمسكه من الطوق حقه بس عشان تتاكد انه ما يلحقك.

اعطه اشاره بيدك عشان يتثبت الامر وقوله بوضوح ستييي وامش عنه هو بيحاول يلحقك ولكن صديقك ماسكه وانت كرر له ستييييي

بنبره واضحه يفهم منها انه غلط يلحقك الحين .. امش مثلا ٥ متر وبعدين قوله تعال وبنفس الوقت صاحبك يتركه.

يجيك تعطيه بس حبه وحده دراي فوود . وتقوله كم مره ثانيه ترجع لصاحبك وتعطيه امر سيت ونفس العمليه تتكرر بس كل شوي تزيد المسافه.

بعدين تسوي نفس الشغل ولكن بدون لا يمسكه صاحبك..والمسافه تبدا من مترين بعدين ٣ بعدين ٥ وكذا .

اذا تحرك الكلب حاول يجي لا تكافئه ورجعه من مكان ما جاك.

فيه طريقه ثانيه ....

تخلي الكلب يجلس ويكون معك ليش طويل وتعطيه امر سيت وستي .. وتبدا تدور حول الكلب بمسافه متر .اذا تحرك قوله نوووو وستي ولف حوله لين يثبت اذا ثبت وفهم قوله كم وخله يمشي معك .

كرر العمليه بس زيد المسافه مترين ثم ٣ ثم ٥ ثم ٧ وعلى هالحال .

لازم تراعي يالغالي القوانين ..مع كل ستي لازم تعطيه امر اطلاق سراح. مثلا (come)

والطرق كثيره وبامكانك تقرا المواضيع المثبته

تقبل مروري