بشرى لملاك الطيور الكبيرة بالعمر

[almer]

الطير له اربع شهور عندى وعند راعيه الاول حوالى الشهر
حالة الطير بشكل عام ....الريش تعبان ويتساقط
والذيل غير موجود نهائيا وكل ريشه حمرا جديده ينتفها
ولهذه الاسباب هملت الطير ولان عندى طيور ثانية
علاقتى فيه محصورة بالاكل والماى وتنظيف القفص
وصحته ...كأنه مريض خامل كسول صامت
ما عدا التصفير فترة الصبح قبل يشوف اى شخص
مجرد ما يشوف احد من اهلى صمت لبكرا الصبح
لكن كنت متأكد انه مو مريض وكنت دايم اقول انه
كبير ومفتقد الغابة والشله الللى كانت معاه

لكن التغيير اللى صار بدايته قبل اسبوعين او اكثر بشوى
لاحظت الطير ينتبه ونظراته غريبة مو مثل كل مره
وحركته بالقفص تغيرت وخصوصا لما اقرب وابدل الماى او الاكل
واكثر شى تغيير فيه نظراته بدأ يلف رقبته ويناظرنى بالمقلوب
وهذى حركات اول مره يسويها
وبعدها لاحظت عليه انه بدأ يهتم بريش الذيل مع انه مافى ولا ريشه
وقبل اربع ايام طلع له ريشتين صغار حمر جدد ولا تنتفهم مثل كل مره
واشوفه مهتم ويسنع هالريشتين شاد حيله
عئبال باقى الريش
عموما هذى الملاحظات اللى لاحظتها على الطير بالفتره الاخير
تصدقون تعبت وانا ادور على شخص مربى للبغبغاوات وكنت ابيه ياخذه بلاش
بدون فلوس ومالقيت احد ياخذه وبالاخير تكلم ونطق وعلى فكره الطير مستانس
على اسم لولو يقولها ويلف القفص ويرجع ويرد يقولها ليمن طفيت الليت
لولو اسم قطوه عندنا بالبيت مسوية رعب للطيور اللى عندى

والله يبارك فيكم ويبارك لكم بحلالكم