كيف اعوّد الصيصان [ كتاكيت الدجاج ] على اكل الحشرات ؟!

[صمت الأمل]

وعليكم السلام ورحمة اللهـ وبركاتهـ



أهلا وسهلا فيكـ أخوي فري ,,



أنا تصير معي هالحالهـ .. خصوووصا اذا كانت الصيصان من السوق ..



هم ماعمرهم شافوا تراب أو أم تعلمهم .. فأكيد بيخافون خوف موب طبيعي ..



وينحاشون في كل جههـ أو يجتمعون في زايهـ من زوايا القفص وأنواع الصياح .. كلهـ بسبب هالخنفسة ,,!!



أنا طريقتي إني ما أعطيهم الخنافس الكبيرة المعروفة ... لا .. أعطيهم الخنافس الصغيرة .. عرفتها ..؟؟



اللي لها لونين عنابي (( وهي الأنثى )) والأسود (( وهو الذكر )).



اذا عندكم في الحوش بلكـ أو خشب طايح من فترة .. راح تلقاهم تحتها ,,



وأعطيهم إياها وأراقبهم .. وهم على أعصابهم وخايفين منها .



أو يتمشون في القفص وتاركينها وهم يقزونها من بعيد .



في هالحاله الخنفسهـ تسوي نفسها ( ميتهـ ) فماتتحركـ . وهذا مايشجع الصيصان أبد .



فآخذ لي غصن طويل ونحيف وأغرسة تحت الأرض وأحركـ الخنفسة شوي شوي لهم .



وواحد منهم راح يتجرأ وياخذهـ (( هنا المطلوب )) .. وراح يطردون الباقين وراهـ ..



ومن هنا تبدأ رحلة الإدمان .



وهذي طريقتي وفي كل مرة تنجح ..



وبالنسبهـ للدود عودهم ياكلون مكرونهـ السباقيتي أو الشعيريهـ .



وهم راح يعرفون شغلهم معها ,



معليش طولت عليكـ ,, وبشرنا اذا نجحت هالطريقة أو طريقة ثانيهـ , مو مشكلهـ . أهم شيء ياكلونها .



تحياتي لكـ .