أسئله,وابغى,اجوبه,<،<, ممكن مساعده,

[just smile]

المشاركة الأصلية كتبت بواسطة the master2010

1-افضلهم ووخليهم القفصين جمب بعض لمدة اسبوع وبعدين رجعهم

2- يمكن بيدور على الانثى عشان يتاكد انها راحت او انه يلعب وانت تحسبه يحوس او ممكن خايف عليها

3- افضل شي تنظف القفص كل يومين والنشارة كل شهر تغيرها وكل ماكثر الاكل والماء كثرت البراز والبول

4- مولازم اذا محافظ على نظافته

5- ماعندي اي خلفيه عن الوبر بس الحبشي بالمدينه 35 ريال

6- مافهمتك صراحة


واتمنى اني افدتك

اهلين ياماستر القمر

والله دوبي كنت باكتب لك عن السؤال لكن كويس اني لقيت جوابك

شوف انا حطيتهم مع بعض في الكرتون لقيت اخونا في الله الذكر يدور حولينها وقلك يبغى رضاها

بس هيا كل مايجيها هوا تضربو وزي كدا وماتبغى وتنام على ظهرها وتصرخ

ماعرفت لها بالضبط وقمت رجعت كل واحد في قفصو وانا مقهور لانو تركها في الزاويا وهيا نايمه

وهوا يحووس مدري ايش عنده ويدور ماني عارف له بصراحه اصلا بيني وبينك كان انشط واحد في المحل ( ماشاء الله )

عشان كدا اشتريتو وندمان عليه

وبالنسبه لسؤالي الي انتا مافهمته . لو تلاحظ تلقاه مرتبط بالخامس بس انتا مافهمتني فيهم

انا اقصد كم سعر الإبره ( حقنه ) الواحده من عند الدكتور البيطيري الي هيا ضد الجرب

بس خلاص اوكي طمنوني الحبايب قالو مااافي داعي اوكي مافي داعي مافي داعي

وتسلم ياقمر واسف ع الاطاله <<<<< يحس انه اكتر عضو كلامو كتير