اعطوني خبرتكم في انواع الاكل للرمادي

[alssiad2001]

الأخت / تراني جديده

وأنا بعد ما أحب أفتي وخاصة إن طيري يعاني من نفس المشكلة وإنتي رديتي على موضوعي

اللي عنوانة " كيف أتخلص من طائر مريض " لي رد بعد ردك شوفية وإستشيري فية لعل وعسى

المهم حبيت أعطيك فكرة أنا مجربها الأن وجابت نتيجة في جعل الطائر ياكل

بإختصار هي .. أغلب أقفاص الطيور يكون فيها حاملين عشان يقعد عليهم الطير .. أحدهم يكون

سفلي قريب من صحن الأكل والشرب .. والثاني علوي .. عليك برفع الحامل العلوي وإخراجة من

القفص فوراَ حتى مايقعد الطير إلا على الحامل السفلي القريب من الأكل وراح يبدأ في الأكل شوي

شوي .. إذا كنتي تحطيلة في الصحن حبوب .. عليك بفرز الحبوب عن القشر كل يوم مرتين على

الأقل لسببين .. لاحظت إن طيري المريض ما ياكل كثير إذا كانت القشور من أعلى والحبوب من

أسفل لأن تعبة ما يجعلة يحرك منقارة بكثرة بحث عن الطعام

السبب الثاني .. إنك تكوني متابعة حالة الأكل عند الطير .. نفرض مثلاَ إنك وضعتي الأكل للطير

الساعة 7 صباح .. أكل الطير ... الساعة 1 الظهر قمتي برفع القشور وتنقية الأكل للطير

الساعة 5 العصر راح تعرفين إذا طيرك أكل بين الساعة 1 الظهر و 5 العصر ولا ما أكل وإستمري حتى

يشفى إن شاء الله

أتمنى إني أكون أفدتك بشيء