سؤال وجواب (في تدريب وترويض الببغاوات والعناية بها)

[فلونه]

ياليت تلاقيولي طريقه اقدر ادرب فيها الببغاء الغيني

وباشرح الوضع اللي عندي عشان يمكن يفيد في شي

اول شي انا اشتريت افريقي عمره سنه وشوي

اليف وحبوب بس خواف من الاشياء الجديده وخصوصا القطط

يطلع جعيرررر مررره وكان عند صاحبته يتمشى في البيت

وماتحطه في قفص

ولما جبته عندي اضطر اخليه في القفص واطلعه في اوقات معينه

لانه عندي قطط في البيت وعيالي صغار

وكل شي كان تمااام

طبعا الافريقي هذا انا اشتريته هديه للوالد الله يحفظه يعني مو مطول عندي

وقبل اسبوع تقريبا اشتريت لي ببغاء غيني عشان ارخص وعلى قد ميزانيتي

طبعا الغيني غير اليف وعمره تقريبا سنه

واي احد يعدي من جنبه يجعررر بقووووه ويرفرف في القفص

حطيت قفص الغيني جنب قفص الافريقي قلت عشان يونسون بعض

وفعلا

مسوين حفلات كل يوم انواع الصراخ والتصفيرات

والغيني صار يقلد تصفيرات الافريقي

لاكن الافريقي من ثالث يوم بدأ ينتف ريش صدره

لين خلص ريش الصدر وبدأ ينتف ريش جناحاته

ومادري من ايش ينتف ريشه

مع اني اكلمهم سواء واطلع الافريقي العبه شوي

بس الغيني يجعر كل مااطالع فيه لو بنظره

والحمد لله الافريقي مايجعر مثله ولا قلده في الجعير بالعكس الغيني اللي قلد الافريقي


شكلي كذا سويتها حكايه طووويله

بس هذا الوضع الي عندي الحين

ابغى اعرف كيف ادرب الغيني اقل شي انه مايجعرررر

وابغاه يكون اليف مثل الافريقي

بس فيه ملاحظه مهمه

انا خواااااافه جدا

لاكن باحاول باي طريقه اني اولفه وباصبر عليه

والافريقي ماشاء الله عليه

صار يطلع على العيال ويلعب معهم ويتهاوش معاهم ويعصب اذا اخذوا لعبه منه

مسوي شخصيه ويبوس على الفم

هل تنصحوني اوديه لمدرب يدربه او احاول فيه انا واجرب

انتظر المحترفين على احر من الجمر