اجراءات سفر القطط من الرياض الى القاهرة ..

[CaRni]

اهلا بكم ..
الحقيقة انا كنت عايز اعرف الاجرءات بالضبط بتكون ازاي ..
و لما عرفت حبيت انقل لكم الطريقة ..

اولاً :
روحت لعيادة , و عملوا كشف على نور و اصدروا شهادة من العيادة انها سليمة ..

ثانياً :
روحت لوزارة الزراعة العيادة البيطرية ..
و هناك اصدروا ثلاث ورقات
و الحقيقة بابا اللي عمل كل ده ..

الاجراءات دي كلها خدت تقريبا وقت من الساعة 10 لحد صلاة الظهر ..

__________________

في المطار ..
هناك بيدفعوك وزن زائد 5 كيلو .. ( انا دفعت 194 ريال )
لازم تكون القطة في بوكس بتاعها و يا ريت ميكونش كبير قوي ..
علشان تأخذها معاك على الطيارة ..

__________________

بعد ما تعدي على الجوازات .. هتأخذ امضه مدير الصالة .. ( معرفش ايه دي اصلاً .. )
___________________

على الطيارة نور الحقيقة نونوت شوية و بعد كدة نامت ..
و طبعا المضيفات و الطيارة كلها لعبت معاها ..

اما في مطار القاهرة .. محصلش اي حاجة ..
عدت على طول


حبيت بس انقل لكم اللي حصل للاستفادة ..

CaRni