مليجي مات

[روفانا]

ميرسي ليكم بجد لانكم هتساعدوا مربي الحيوانات الاليفه

انا قطي مات من اربع ايام وكنت عايزه اعرف سبب الموت وهل انا قصرت في حقه ولا لا لاني زعلانه جدا ومش عارفه انساه ولان عندي قطه ثانيه وعايزه استفيد خبره علشين لاقدر الله لو تكرر الموقف

هوه جاله ترجيع واسهال لونه اصفر فاتح وعطيته الادويه المعتاده وكنت دايما بستخدمها والحمد كان بيشفى وهيه انتينال وكابكت بس للاسف لم يتوقف الاسهال ولما حسيت انه بقاله يوميين على هذا الحال كلمت دكتور بيطري وشاف القط وعطاله حقنة تنشيط كبد وحقن مضاد حيوي وحقنة ترجيع وكان اسهاله كثير واصفر زي الميه المهم بعد يوم رحت واخدت المضاد وحقنة جلوكوز وبليل اصبح كويس جدا بس كان فيه زغطه بسيطه والدكتور قالي اعطيله ماء بكمون مغلي وعملت كده وراحت الزغطه وبقى كويس جدا وطلب الاكل واكل كويس جدا ولعب معايا وشرب ميه ودفيته كويس ونيمته وللاسف صحى ثاني يوم عنده هشرجه في زوره ومش عارف ياخد نفسه وتعب جدا وكان بيتعذب امامي ثلاث ايام مش بينام خالص ومصمم يقعد على السيراميك او البانيو وكنت بجيبه من البانيو وكان الاسهال والترجيع وقف بس بيعاني من عدم القدره على التنفس والدكتور عطاله موسع للشعب حقن ومضاد حيوي بس مش متذكره الاسامي الان بس كانت نهايته والدكتور بيعطيله حقنن المحاليل تحت الجلد وحقن الاملاح وانا كنت مداومه معاه على عسل ابيض وهوه كان رافض الاكل ويوم وفاته اسهل الصبح اسهال اسود غامق ورجع وقبل الوفاه مباشرة اسهل اسهال اسود كثير جدا ومات امام عيني وبجد حزينه جدا ومش عارفه انساه وربنا يعوض عليه بس كنت عايزه اعرف هوه كان عنده ايه وانا كده كنت بتصرف معاه صح واعتذر عن اي اخطاء تعبيريه او املائيه لعدم تركيزي لانه بجد كان قط غير عادي والكل كان بيعلق على مشاغباته الغريبه

وانا خايفه جدا على قطتي هانم لانها عيانه وانا كتبت موضوع مرضها في موضوع اخر وربنا يشفيها

كانت دايما اختي الاميره المصريه بتحكي لكم عن مليجي