ساعدووووني الفرخ فقس والدجاجة عضته ورمته وهو ينزف الحين

[! هاويه الطيور !]

المشاركة الأصلية كتبت بواسطة وردة فرساي

اهلين عزيزتي هاوية الطيور
والله اني بعد ما صدقت اول ما شفت هالشي ولما شفت الجرح في رأسه اول شي فكرت من البيضة بعدين ظليت اراقبها من مكان ما تشوفني فيه اني واختي كانت معي وشفناها كيف تضربه وتطرده كلما جا يريد يدخل تحتها وتنقره بمنقارها وهو يصرخ مسكين ويزحف بعيد لانه مايقدر يمشي توه مفقس

قمت شلته قبل ما تقتله وانا عندي من قبل دجاجة حضنت مرتين وماعمرها سوت هالسواة
والبيضة بيضتها والولد ولدها ويشبهها عدل اسود زيها ونفس الفصيلة حقتها بالضبط


بالنسبة لسؤالك عزيزتي هو انه لحاله مافي احد غيره لان يمكن باقي البيض فاسد من المطر والبرد
والحين هو بحضني مو راضي يقوم مع اني جهزت له المكان المناسب جبت كرتون وعبيته رمل وحطيته داخل البيت بعد عشان يظل تحت عيوني وجبت اللمبة وشغلتها وجبت ماي وريش وقطعة صوفية عشان ينام فيها لكنه ما يريد ينام الا على جسم احد منا والا يظل يصارخ ويفرفر كانه يدور احد ولما يشوف يد يجي ينخش فيها مسكين مصدوم وفاقد الحنان من اول يوم ياقلبي عليه

طحنت اله ذرة وحاول يلتقطها بمنقاره لكن ما قدر مسكين ما يعرف
اكل اله فقط لقمة واحدة من الخبز المبلل بالماء وشربته شوية ماي

والحمد لله الجرح صار احسن وتخثر الدم انشاء الله بكرة يصير احسن

ارجوكم ادعو له بالنجاة لاني حبيته ودخل قلبي وبنفس الوقت كاسر بخاطري لان امه ما راعته من اول يوم واذا اكو نصايح قولولي بليز والله يجزيكم كل الخير

والله ماني عارفة شنو اسوي وكيف بنام وهو جالس بحضني ونايم وكيف بكرة وبعد بكرة وبعدين بيجي السبت وبضطر اروح عنه الفترة الصباحية للتعلم

ارجوكم انصحوني
انا مستحيل اقدر ارجعه لامه بعد ماشفتها كيف تطرده وتنقره واظنها راح تقتله المرة الجاية لو شافته

بصرآحهّ مآلهآ آي تفسير هالتصرف . .
لانه شي غريب !


تصدقين ! احدى دجاجت اخي كآنت عقيم او ربما تكون كبيره بالسن ! احتنضت بصغار ليس بـ اطفالها ولا حتى رقدت على البيض وكانت تحرسهم شي غريب ..


::

وبعدين السبب لو تاركته لفتره يمكن تتغير !
وهل لما كانت تضربه كان قد خرج من البيضه بالكامل ولالا ؟


::

واذا لما ينجح في الغد .. اخذيه وابعدي عنها لانها خلاص لاتريده ..

المشاركة الأصلية كتبت بواسطة وردة فرساي

اهلا اخي m3n
اشكرك على تواجدك والله اني بحاول ادور له كتكوت قريب من سنه مع انه صعب لنه ولد يوم بس الحين
حطيته بالقفص مع فرخ البلبل الوحيد بعد ماماتت اخته صار لوحده وهو بعده صغير وما يأذيه انشاء الله
بس الحين وقت النومةوبكرة الصبح بطلعه شوي يشوف الكتاكيت الباقين - ليسوا اخوانه بل هم ايضا وحيدين مثله اشتريتهم قبل اسبوع وهم اكبر منه سنا - وبحطه بالشمس
ماعندنا خادمة لتهتم به
الله يهدي امه ليش تركته وهو بهالعمر مسكين يمكن فكرته مو ولدها
ويمكن فكرته هامستر لانها كانت بالاول تهاجم الهامستر الصغير وتعضه
ويمكن ويمكن للاسف انها تركته وهو محتاج الها
المشكلة الحين انه ما يعرف يأكل ولا يلتقط الأكل بمنقاره الا محاولات نادرة جدا

ادعوله يا جماعة بليز واللي عنده اقل واصغر مساعدة لا يبخل وجزاه على الله لانه فيه انقاذ روح صحيح ماهي روح انسان ولكنه مخلوق ضعيف لا ام له ولا اب ولا اخوة .. وان في العناية به صدقة ومثوبة من الله

ومثل ماذكر اخونا
انك تشتري صغيرين بمثل عمره ..
او حتى الكتاكيت الملونه . . وحاولي توكليه الذره المطحون وتعطينه شويه مآي ..

وإن شاء الله تنحل المشكله