انا جديده فى موضوع الطيور ده افيدونى

[وصانا رسولنا برحمه طيورنا]

السلام عليكم ورحمه الله وبركاته
انا فرحانه والله جدا بالموقع ده انا لسه جايبه عصفورتين بادجى
وحيرانه خالص معاهم وكل شويه اروح ابص عليهم لحد مزهقتهم خالص
وحاسه انهم هيكرهونى من كتر ما بزعجهم ممكن اسألكم شويه اسئله
1_احطهم فين بالنهار انا بحطهم فى البلكونه ده صح ولا لا
2_لما يجىء الليل ادخلهم امتى ولا مدخلهمش عشان الحر فى البيت
3_ الراجل اللى اشتريت منه العصفورتين ادانى اكل لهم بس انا قريت على المنتدى ان انتم بتاكلوهم خضار وفاكهه وبيض بالبقسماط اءكلهم ايه؟
4_وبرده قريت على المنتدى انكم بتطلعوهم من القفص وتلعبوهم وتاكلوهم الحبوب على ايديكم
ازاااااااى هما مش ممكن يطيرو منى ويهربو
5_انا حاسه ان العصفورتين مضايقين ومش مبسطين والله لدرجه انى كنت عايزه افتح القفص واخليهم يطيرو فى السماء اعمل ايه عشان ينبسطو ويتعودو عليا
ملحوظه:الراجل قال لى ان بعد رمضان ان شاء الله اشتريلهم بيت عشان يخلفو فيه
يعنى معنى كده ان عمرهم قد ايه؟
معلش ياجماعه الاسئله كتير حبتين كله بثوابه ان شاء الله وجزاكم الله كل خير
ردو عليا بسرررررررررررررررررررررررررررررعه ارجووووووووووووووووووووووووووووكم