أسءلة كتيييرة عن ثعباني ياريت الافاده
بسم الله الرحمن الرحيم
عندي تعبان غريب شوية
البياع اللي اداهولي قاللي اسمه ابو السيور المرس
لكن لما دورت لقيت ابو السيور فقط مالقيتش نوع اسمه المرس غير ان جسمه مش مخطط زي ابو السيور العادي
وديله تحس انه مقطوه لكن انا ماصدقتش انه ديله عادي كده غير لما شفت باقي التهابين اللي من نفس النوع وكلهم تحس ديلهم مقطوع بنفس الشكل
وتقسيمة راسه نفس تقسيمة راس ابو السيور
وعنيف جداجداجدا وعضني وعض اخويا و هرب اول يوم جبته لأن القف مكانش محكم بس لقيته بعدها واحكمت عليه القفص
يوم ما اخويا لقاه التعبان عضه فأخويا حدف التعبان عالحيطه والتعبان لما وقع كان بينزف من بطنه وشكلة كانه كان ميت تماما
لكن غالبا هو كان فاقد الوعي بس من الخبطه لأن ساعتها بقه " فمه " كان مدلدل لا مقفول ولا مفتوح تماما وكان مابيتحركش نهائيا وبعدها بنص ساعه لقيته بيتحرك عادي جدا و كل ما امسكه يحاول يهرب لغاية ما اخد عليا وهو غالبا حرم يعض من ساعة الحادثة دي حتى اني افتح بقه واحط صباعي جوه وهو يشيل بقه بعيد عن صبعي
المهم اللي شاغلني انه يوم ما لقيناه بعد ما هرب كان جسمه مليان جروع و حفر و ماغيرش جلده بقاله شهر وما يرضاش ياكل بيض خااااااااااااالي والفران نادرة جدا اليومين دول عشان الصيف
هحاول ارفعلكم صوره عشان تحددولي نوعه ايه بالظبط وهارفع صور موضحه لذيله عشان تقولولي نوعه اذعر يعني مالوش ديل ولا الراجل قطع ديولهم كلهم عشان يحسس الزبون انهم نادرين شوية؟؟
وياريت لو حد من مصر بالذات من القاهرة يقوللي اجيبله منين فران او كتاكيت غير ابو رواش لأنها بعيده جدا وغير سوق الجمعه لأن واحد بس بيبعها هناك اسمه سالم وهو اللي جبت منه التعبان والفران حاليا نادرة جدا عنده و غاليه جدا لأننا دخلنا فالصيف
او اي حد يقول ااكله ايه غير الفران او الكتاكيت لأنه رافض البيض تماما
ياريت تردو عليا بسرعه
__________________
=========================
|