ممكن اعرف عمر الرمادي ( الصورة موجوده )

[كوكاتيل مشاغب]

حسبي الله ونعم الوكيل هذول اصحاب المحلات ما يبطلون نصب والله افتكر مره في محل مشهور في جده نص ساعه انا وصاحب محل عناد ونقاش على ببغاء معروض يقول عمره 8 شهور وعيونه ابيض مصفر لا ومصر على كلامه اخر شي سبته ومشيت
ابي اوضح لك نقطه اخوي فلاش وهي ان الببغاء الشهير اليكس اشترته العالمه الامريكيه وهو بعمر سنه ونصف لكن هذي باحثه وعارفه هي راح تعمل ايش لكن انت الله يعطيك الصبر ونصيحتي حاول ترجعه او تستبدله
وترى مو مستحيل انك تروضه صار لي موقف مره رحت ابي ببغاء افريقي وصاحب محل اعرفه زي العسل معي عطاني ببغاء متوحش عيونه ابيض على اصفر نفس ببغائك قاللي خليه معك كم يوم اذا ارتحت له اشتريه واذا لا رجعه اول ما جبته البيت غسلت القفص طبعا عارفين كيف اقفاص الطيور في المحلات حدث ولا حرج انواع الاهمال المهم ربع ساعه وهو يطقطق ويصفر واليوم الثالث وانا امسح على راسه ومع ذلك رجعته لأني ما ارتحت له كثير
انت حاول يمكن ينفع معك
نقطه لازم نعرفها ان بعض اصحاب المحلات يعرفون ان المشتري يبي طير متكلم ويتحمل الظروف الصعبه والمعروف ان الافريقي لا يبدأ الكلام الا بعد اتمامه السنه تقريبا وتحدث حالات ويتكلم قبلها لكن هذا نادر الحدوث
تحياتي