هل تربية القطط مسليه ؟؟

[dede]

تبغى رائ يا مهند ... تراني شايله في قلبي من البسس وراح اقلك كل الي احسه عنهم

اولا اذا كنت تربي ببغان ما انصحك تربي بسس لانك راح تشوف الفرق الشاسع في التعامل و الاهتمام بين الاثنين

اما اذا مرره نفسك تربي بسس ... هي البسه نفسها ممتعه و تعمل جو في البيت و كل اللي تتمناه راح تلاقيه فيها

بس لو تبغى عيوبها راح اقلك عليها :
اول عيب و افظع عيب .. تخلي ريحه البيت مرره معفن و تقتل اللي داخل البيت
يعني راح تسمع كلام من اللي يزوروكم كتير

و اكلها له ميزانيه خاصه و ما يرضو اي اكل

تمرض كثير و تعدي الانسان كمان

راح تتعلق بيها و بعدين صعب انك تتخلى عنها ولو مرضت راح تحزن عليها من قلبك

لمن تكبر راح تعبي لك البيت بسس وهذا شيء يجيب الجنان

واشياء كثيره ... يعني راح يقل مستواك الدراسي لان اغلب وقتك حيكون عنايه بالبسس

و اكيييييييييد اختك الكريمه ماراح توافق وخاصه اذا كان عندها اطفال

يعني خليك على الببغاء احسن لك و اخر البسه شويه

ان شاء الله اكون افدتك و شلت الحيره عندك