قطتي سارت تكرهني
السلام عليكم
كل عام وانت بخير
انا قبل شهر تبنيت قطتين انثى اعمارهم كانت اربع شهور
اشتريت لهم جميع الالعاب واهتميت فيهم كأنهم عيالي
وحدة منهم كانت تحبني بشكل مو طبيعي اول ما تشوفني تجري عندي وتلعب معايا وكانت ما تنام الا ف حضني والثانيه برضو تحبني لكن مو قد الاولى
لمن كانوا يسون شي غلط كنت ابخ عليهم شويه مويه او اصيح عليهم اقول لا
لو ما نفعت معاهم الحركتين ذي ادخلهم قفصهم خمس دقايق واخرجهم وبرضوا كانو يحبوني وعادي مافي اي شي
المهم جا اليوم المشؤوم وروشتهم ذي كانت ثاني ترويشه الاولى عدت بسلام لكن ذي كان فيها شد وعصبيه بعد ما روشتهم قعدوا يوم خايفين مني ولا يبغوني اقرب منهم وانا اعطيهم مكافئات والعبهم وهم يبعدوا عني
اليوم الثاني تحسنت الاوضاع لكن المفاجأة ان البسه الثانيه سارت تحبني بزياده وتنام معايا اما الاولى نفس الحال لكن على اخف ما تبغى تلعب معايا ولا تنام عندي ولا تبغاني امسكها و العب بشعرها لكن تلعب وتنبسط مع اخواني
ومع الوقت كل يوم تبدا تفك معايا سارت تنام فوق الطاوله وبعدين تقوم وتجي تنام عندي ف السرير لكن مو جنبي لكن لمن تكون صاحيه ما تحب اني امسكها ولو مسكتها تبعد عني
انا خايف اني اكون خسرتها للابد في طريقه او اي شي اخليها ترجع زي اول او ع الاقل تبدا تثق فيني وتحبني لو بس شويه
Sent from my iPhone using 2zoo.com mobile app
|