طرق العناية بفرخ بادجي قليل الشهيه!

[lorelored]

الله يجزاكم خير كلكم على ردودكم الحلوه ربي يحفظكم ويجعلها في ميزان حسناتكم!

الحمدلله صرت أعرف للإبره بعد ماقصرت من اللي حقها شوي
المهم أمس لقيت إعلان عن فروخ بادجي للبيع في المدينة والإعلان جديد(ماصدقت إن فيه أحد يبيع فروخ في المدينه)(بالقوه لقيت أحد باعلي الفرخ الأول) وكلمته يقول عمرهم فيه واحد عمره ٢٧يوم وواحد عمره ١٥يوم وحاطهم بسعر رخيص وإشتريتهم خصوصاً إن ألوانهم حلوه لكن للأسف ورطت فيهم هههههههه
طلعت عمرها مو مثل مايقولون شوي أصغر يعني من ١٥ إلى٢٠ وكمان مايعرفوا ياكلوا على الأقل اللي كان عندي من أول أكبر منهم من قبل ماأشتريه و فيه شهيه يشوي يبغى ياكل أو على الأقل يحاول لكن هذولي للأسف بس ساكتين ونايمين وحاولت أغرهم مايبغوا ولايفتحوا فمهم نهائي! غير أغصبهم بالقوه أفتح فمهم! وطبعاً مو كل مرره أنجح! وإلى الآن للأسف ماغريتهم إلا مرتين يمكن بس!(مايبغوني أغرهم) وخايفه عليهم كثير(بس نايمين إلا إذا قربت صحيوا)
وواحد منهم إستغربت منه (اللي يشوفه يقول مو على قد عمره!) مرره خواف مايبغاني أقرب منه وإذا قربت يحرك فمه (يسكه ويفتحه )طول الوقت إلين ما أروح عنه (خايف مني بشده مثل الكبار) ويحاول يبعد عني قدر الإمكان لكن عشانه صغير مايطير فأقدر أمسكه لكن لونه يطير يمديه طار وبعد كثير ماكأنه فرخ!
فماني عارفه إيش أسوي فيهم مايبغوا الغر نهاااااااائى ولا يبغوا ياكلوووا مررررررررررره إيش أسوي فيهم؟!

الله يسعدكم ساعدوني فيهم أنا عارفه إني زودتها كثير وتعبتكم لكن بإذن الله التعب مايروح كذا (كله بأجره إن شاء الله) الله يسعدكم ويوفقكم ويحققلكم كل أمانيكم إنكم تساعدوني فيهم!
والله يوفقكم ويرزقكم من حيث لاتحتسبون!