يومياتي مع سنجابي ( ماد )

[القوارض اجمل عالم]

السلام عليكم ورحمة الله وبركاته..

..نشأت بعائله عندها شغف لتربية الحيوانات طبعا كل واحد عندنا فالبيت له حيوانه المفضل والمدلل اما انا عشقي( السناجب) طبعا عندي الشوقر وعندي النوع العادي وبحكي لكم يومياتي معه:

( ماد)سنجاب سوري عمره سنه ونصف اشتريته تقريبا صارلي 6شهور ..فيه نشاط ماشالله اول يوم اشتريته هرب من عندي وتسلق جدار البيت وقلت خلاص الله يعوض وثاني يوم لقوه اولاد جارنا وطلع عينهم يالله امسكوه..
كنت حاطه بقفص داخل البيت واحسه حزين يعني لازم مساحه يقدر يمارس نشاطه فيه ( طبعا غير اليف )..

ورحت واشتريت له قفص كبير تقريبا3×3م..وصرت اتابعه من بعيد لبعيد لانه ما يحب الانسان ابد ويخاف منه ويوم اشوفه يلعب وحركاته حلوه ومرنه هنا ودي امسكه وابوسه...

بعدها بدأت اتصفح المواقع والمواضيع المتنوعه عنه بس للأسف كلها رؤس اقلام مافي شي واضح او دقيق..طبعا جاء فصل الشتاء وهنا لازم اجيب له انثى عشان موسم التزواج وما خليت مكان ما دورت فيه ولا حصلت اخر شي فكرت اجيب له انثى وبر( قفلت معي)لاكن ما ينفع..

كل يوم عن يوم اكتشف فيه عناد مش طبيعي جربت معه طريقة التجويع ولا نفع ابد...تتوقعون وش الطريقه الي الحين سويتها؟

اخذته وحطيته بغرفة نومي وفكيته من القفص تقريبا صارله4ايام طبعا انواع الاكشن مره يدخل تحت السرير والمشكله السرير خشب يعني صعبه اطبعه من تحته ومره يروح فوق الكبت واتعب لين اوصل له..تدرون وش سويت.. ( غيرت اثاث الغرفه وخليته سرير حديد عادي وكبت صغير وشلت جميع الكماليات وطلعتها )طبعا الححين وين يقدر يروح انا بوجهه مافي فكه..اليوم وبالذات جلست قدامه امسح ع راسه ( وبقلبي اقول وش تبي اسوي لك اكثر )..حسيته هادي ولا شفت ردت فعل عنيفه او محاولة هروب قلت خلني اتجرأ واحاول اشيله..وشلته مثل شيلة القطوه ونفس الشي ما صدر منه اي ردة فعل..من الفرحه نسيت نفسي وصرخت وهو انخرع ونقز من يدي ورجع لصندوقه..وهالشي حفزني ورفع معنويتي اني راح اصبر واخليه يصير اليف...وتوته توته خلصت الحتوته..



.......اسف على ألاطاله....