اسألة عامه عن الحمام..!

[abo abdulaziz]

السلام عليكم ورحمة الله وبركاته

اخواني حاب اسألكم اسأله واتمنى الاجابة عليها

عندي حمام زاجل ومعه فروخ وحاليا باض بيضه واتوقع بالطريق الثانيه السؤال لو طلقتهم هل يعودون ولا مستحيل؟ يعني بيتركون بيضهم وفروخهم؟

عندي حمام مراسلى واتوقع هجين لأن منقاره مو مثل المراسلى اللي اشوفه بالصور يعني اصغر المهم انه لحاله ومايطير ؟ وجناحه طويل فماعرفت تفسير للموضوع هذا! ومدري اخليه لحاله وهل يضره او لا؟ ولاحظت انه كل ماطلعته برا الغرفه اللي نام فيها امس وحاط الاكل والماء فيها يعني اطلقته بالحوش يمشي ويرجعل للغرفه يمكن 5 مرات! هل معناته أنه تعود ؟

بالنسبة للزاجل كيف اعرف اذا كان النوع جميل جدا او اذا عادي ؟ يعني من خلال اي شيء يتم تحديد اذا كان جميل او عادي؟

الفروخ عند اي عمر افصلهم؟ ولاحظت ان فيه فرخ نشيط شوي وفرخ خامل وشكله اصغر وانا اللي اعرفه انه لازم يكون فيه واحد اقوى وواحد ظعيف ماعرف اذا اللي ببالي صح او لا ؟

اذا وصل الحمام لعمر 6 7 شهور وبلغ متى يضع البيض؟ يعني اول مايبلغ ولا يجلس شهر زياده بعدين يبيض؟

هل يوجد مانع من اني اخلي الفروخ يكبرو واخليهم مع اهلهم ؟ بدون ما اطلعهم برا الشبك؟

هل فيه احد منكم جرب النوع البلدي مع زاجل مهجن ؟ يعني تنصحوني اجرب ولا ما أجرب ابدا؟

كيف اقدر احدد عمر الحمام اللي عندي ؟ يعني الديك مثلا من خلال الخنجر لكن الحمام كيف؟

عندي حاليا 3 ازواج حمام واحد معه فروخ اعمارهم +15 يوم ومعاه بيض والجوز الثاني معاه بيض وبعد 4 ايام الفقس اتوقع وجوز اولفهم حاليا وحطيتهم بمحكر خلال سنه كم ممكن يكون عدد الحمام عندي؟

اذا بشتري حمام وش طريقة الفحص قبل لا أشتري وش تنصحوني اسوي؟ انا اللي اعرفه التدقيق في عينه ومنخاره و سماع دقات القلب! فيه شيء زايد؟

واخيرا اتمنى نصايحكم والاجابة ومشكورين