استفسارات عن البلوفرنتد

[A.Alansari]

السلام عليكم ورحمه الله وبركاته

شباب عندي كذا استفسار عن البلوفرنتد اذا ممكن تساعدوني

الطير عمره تقريبا من 10 اشهر الى سنه

1- اشوف نفس قشرة بيضه تطلع منه هالفترة بكثر ماكانت موجودة من قبل هل هذا طبيعي ولا في مشكله مع العلم اني اروش الطير مره او مرتين في الاسبوع حسب الجو

2- الطير صاير مزعج من اول ماترك الغرفه او المكان الي هو فيه يبدا يصرخ بصوت عالي لدرجه انه ولد اخوي صار يخاف منه بسبب الصراخ هل في حل لهالمووضوع انا جربت كل مايصرخ اطفي الليت ويرجع يسكت وبعدها بفترة افتح الليت وابعد عنه ويرجع يصرخ واطفي ولا في فايدة معاه

وجربت اني كل مايصرخ اغطي القفص بغترة ويسكت ولما اشيلها بعد فترة يرجع يصرخ وهو اغلب صراخة لانة يبي يطلع من القفص وانا مابيه يتعود على الستاند لانه مايتكلم كثير على الستاند بس في القفص مبدع

3- رائحة الطائر مو حلوة مع اني اروشه بالبخاخ لكن مافي فايدة ترجع الرائحة بنفس اليوم

4- ذيل الطير بعض ريئاته متقصفة ولما يفتح ريش ذيله في اماكن تكون فاضية مادري هل ماطلع له ريش او منتوف لانه من شريته وهذا حالة

5- الطير ذكي ولما اروح جنبة اكلمة يرد علي بصوت ومرات يردد كلمه من الي حافظهم لكن لما اشغل له اغنية احسه يعصب ويبدا يتكلم ويقول كل شي هو حافظة خصوصا اذا مع الاغنية بديت احرك راسي او يدي احسه يتنرفز ماعرف ليش يعصب يكون نافش ريشة كامل وذيلة بعد ويبدا يتكلم هل هالوضع طبيعي ولا اوقف ماشغل له شي

6- آخر سؤال هو اني ملاحظ هالفترة تساقط ريشات من الطير صغيرة هل هو فترة تبديل ريش او انه في شي

واسمحولي طولت بالاسئلة