سرير للقطط

[analice douaa fulla]

تحياتى للجميع .. اخباركم ايه

ان شاء الله هنتكلم النهارده على طريقة صنع سرير للقطة بتاعتك باقل تكلفة ممكنة

ندخل بقى على الجد



حنجيب مقص





مسدس شمع





طبق بلاستيك او كرتونة بس تكون قوية او سبت قديم بس طبعا الافضل طبق بلاستك علشان يستحمل







قماش اى حاجة عندك
مش مهم الشكل اوى ده هيبقى مجرد بطانة ..مش هتفرق يعنى ممكن تجيب ملاية سرير قديمة مثلا



شريطة ستان علشان لو حابب تعمل زخرفة على السرير او زى ما نته عايز يعنى ممكن نستغنى عنه خالص





فوطة ناعمة او قماش بس يكون ناعم او ممكن لحاف فايبر قديم تقص منه وده افضل بكتير علشان ملمسها ناعم مش حيضايق القطة وخلى شكلها يكون حلو علشان دى هستخدمها فى التغليف



واى اكسسورات عندك انته حابب انك تضيفها مفيش مشكلة هاتها زى الفيونكات والكلاام ده







دلوقتى طريقة عمل سرير للقطط

غلف الطبق بالقماشة العادى اللى انته لاقيته والزقه على الطبق بالشمع

و بعد ما نلزق القماشة حنثبت بالشمع الاسفنج او الفايبر او كيس القطن حتى مش هتفرق كتير .. ونثبتها فى قاعدة الطبق و فى الجوانب علشان يبقى الطبق مبطن من كل اتجاه زى كده





وبعدين نجيب الفوطة او القماش اللى اخترته ( الناعم ) ونحطها فوق السفنج ونلزقها كويس علشان نغطي قاعدة و جوانب الطبق من بره وجوه علشان نغلف الطبق كويس علشان يدينا الشكل النهائى كده



وطبعا شريط الستان و الفيونكة دى كلها حاجات اجتهادية يعنى للزخرفة فا براحتك بس المهم ان الزخرفة تكون من برة الطبق علشان القطة هتقطعها وتنكد علينا بعد التعب فيها

اتمنى الموضوع يعجبكم ويكون مفيد