مبتدئ فهل من مساعدة

[سلمان707]

السلام عليكم ورحمة الله وبركاته

كيفكم شباب عساكم بخير

شباب انا مبتدئ في رعاية طيور البادجي وبالحقيقة الطيور جاتني هدية وانا بصراحة ما اعرف لهم ابد@@ يعني تحملوني شوي

بس بغيت اسأل عن كم شي>>تحملوني شوي خخ

اول شيء بغيت اعرف نوع الطعام اللي اقدمه للطيور لأن حاليا اقدم لهم سمسم فقط(ما اعرف وش تسمونه انتو@@ لأن يمكن تختلف التسمية عندكم)
ثاني شي انا شفت بموضوع ان فيه شي يصير للطيور وتسمونه القلش واللي فهمته ان الطيور هنا تجدد ريشها.. وسؤالي..
متى تصير عملية القلش للطائر وشنو المضار اللي تصير للطائر وفيه سبب معين له ولا كيف@@

وانا لاحظت اليوم ان الطيور تحك ريشها وكنت اسمع صوت يشبه صوت شيء صلب يطيح ويوم رحت اشوفهم طلع ان فيه فضلات عالقة عند فتحة الاخراج وان فيه طير كان يحق منقاره بالعلاقة اللي يوقف عليها الطائر@@ ماعرف شنو تسمونها
شنو الحل لهذي المشكلة؟ هل الطير فيه اسهال؟ وهل يأثر عليه بشكل مباشر؟ وهل في الطير فاش(قمل) واذا فيه كيف اعرف؟ للعلم ان القفص حديدي والقفص جديد ومو مستعمل واليوم نظفت تحت الطيور يعني كل شي نظيف وكل شي جديد..

ثالث شيء متى تتزاوج هذي الطيور؟ كم لازم يكون عمرها وكيف اعرف عمرها بالظبط وكيف اعرف ان الطيرين ذكر وانثى؟ للعلم ان الطيور صغيرة بالحجم لاكن تشرب وتاكل لحالها..

رابع شيء فيه شي اقدمه للطيور يساعد على نموها ويكون مفيد للطائر؟ انا كلمت ولد عمي قالي حط لهم ظهر حبار وبصراحة للحين ماحطيت لأن ماعرف شنو فايدته وضرره@@

للعلم اني مخليهم داخل البيت يعني درجة الحرارة معقولة لامرتفعة ولا منخفضة ومخليهم بعيد عن المكيف ..