طريقة جعلت ببغائي يسمح لي بالمسح على رأسه
بسم الله الرحمن الرحيم
السلام عليكم ورحمة الله وبركاته
اشتريت كاسكو من شهر تقريبا الحمدلله تمكنت من جعله يقف على يدي وياكل من يدي
اذا كان واقف على الستاند .. لكن مشكلة المسح كل ماحاولت امسح على راسه وهو على
يدي يحاول الهروب على كتفي او ينزل من على يدي .. واذا كان على الستاند يسمح لي
لكن تكثر حركته ويتضايق ... هو صراحه مايجعر واليف لكن يضر احيانا للعض فالخوف عنده
سمة طاغية على شخصيته .. قمت بوضعه معي تحت البطانية وتركت مجال يتحرك
يعني تقريبا تقدر تقول خيمة صغيره عملتها والبطانية تسمح للنور بالدخول يعني
مش ظلام .. بديت امسح على راسه وتقبل الوضع جدا وماعاد يتحرك .. وبديت اراقبه
حصلته يغمض عيونه ووضع راسه على الأرض .. لم يتضايق ولم يحاول الهرب
تقريبا الطريقة نجحت معاي .. اليوم كانت اول مره استخدم الطريقة هذي
كانت مجرد تجربة اتمنى تنجح معاكم
|