ساعدوني وساعدو **ديفي (الصماء)* *صور

[MASA]

مساء الخير

اصدقائي محبي القطط

انا بحاجة لمساعدتكم من اجل الاعتناء والتعامل مع قطتي الجديدة

اول سؤال هو ما نوع القطة هي شيرازي بس شو بالتحديد وهل هي بيور او مهجنة ؟

تاني سؤال العمر قديش بتتوقعو يكون عمرها ؟

واهم سؤال هو كيفية التعامل مع القطط الصم انا اتاكدت انها ما بتسمع من دون ما اخدها على طبيب بيطري وحتى ما بعرف ازا اخدت لقاحات وللاسف بسبب الاوضاع بسوريا الدكتورين الموجودين بمنطقتي سافرو

هل في خوف من المرض مع انها نظيفة وما فيها براغيت او اي التهاب او مرض وصحتها وشهيتها وحركتها تمام

انا مو ناوية اتخلى عنها لو شو ما صار حتى لو مرضت لان اصحابها الظاهر سافرو برا البلد وتركوها بالشارع
بس عم لاقي صعوبة بالتعامل معها فيا ريت يلي عندو خبرة بالموضوع يفيدني
كيف الفت انتباهها لما اناديها جربت اضرب اجري على الارض بس ما استجابت وحتى المسكينة لما تكون نايمة واي حدى يجي جنبها بترتعش وبتخاف لانها ما بتسمع الصوت اول ما حدى يقرب عليها قلبي موجوع عليها كتييير

بالمناسبة هي حنونة جدا ولما اتركها وانام اول ما حدى يصحى بتجي لعندو بدها حنان ولعب

يا ريت تفيدوني وتساعدو deafy هاد اسمها بما انو ما بتسمع

وهي صور البرنسس




وهي كمان وحدة نعسانة وما عم ترضى تتصور




عشمي فيكن كبير اي معلومة عن القطط الصماء ممكن تساعد

وشكرا سلفا