حمام النفاخ (الجامبو المسوبع، الهولندي) ومواصفاته المثالية وعيوبه

[رائد ملكاوي]

السلام عليكم ورحمة الله وبركاته

حبيت أعرض عليكم بعض من مواصفات النوع هاد من الحمام لأنه سعره غالي، وما بدي حدا فيكو يشتري النوع هاد واذا فيه مغلوب بالسعر، وينضحك عليكوا لأنه لازم يكون يحتوي على مواصفات معينة، وغير هيك يكون سعره رخيص.

هاد الحمام يمتاز بضخم حجمه وارتفاعه وجماله
واسمه نفاخ علشان يقدر ينفخ رقبته ويكون فيها كيس هواء والكيس موجود أيضا بأنواع النفاخ الأخرى لكن مو بكافة أنواع الحمام.



وهاد الكيس ما يكون منفوخ دائما، ويوجد ألوان عديدة من هاد النوع من الحمام منها الأحمر والأصفر والأسود والأزرق.







وبسبب التهجين اللي صار ظهر كثير من العيوب على الحمام عموما بس لازم نعرف مواصفاته القياسية علشان عند ما تشتري جوز تكون تعرف العيوب الموجودة فيه.


الرأس:

لازم يكون رأس الحمامة ضخم والمنقار طويل وعلى الرأس من الأعلى يكون فيه عقال، والعقال هو البياض اللي يكون حول العينين فقط وعامل مثل الدائرة على الرأس من فوق.



ولازم تكون الرقبة طويلة ويكون فيها كيس الهواء ولازم يكون كبير ولون الرقبة من لون الحمامة.



الجناحين:

لازم يكونوا الجناحين طويلين كثير واللون الأبيض عليهم يكون على شكل 7 باللغة العربية وبالتحديد الأرقام الهندية والمنظر تشوفه عند ما تشوف الطير من الأعلى وعلشان هيك صار اسمه مسوبع.



الأرجل:

الأرجل طويلة وكبيرة وعليها سروال كثيف وعريض ولازم يكون لونهم أبيض وما دخل عليهم أي لون.


الذيل:

الذيل أيضا لازم يكون كبير وعريض ولونه من لون الحمامة.



العيوب:

أحيانا تكون عيوب كثيرة للحمامة مثل ما حكينا ومنها إنه العقال يكون أكثر من اللازم وما لازم ينزل على الرقبة.



وإذا دخل لون على السروال اللي هو ريش الأرجل يصير عيب وينقص من قيمة الحمامة



ولازم إذا نظرنا على الحمامة من الأعلى يكون شكل الرقم 7

وهاد لون ريش أبيض داخل على الرقبة:



وإن شاء الله تكونوا استمتعتوا واستفدتوا من الموضوع

ملاحظة: الصور مو من عندي، من النت

وهاد فيديو يبين جمال هاد النوع من الحمام




وإن شاء الله أتمنى من الأعضاء نتساعد ونكتب عن مجموعة المواصفات القياسية للحمام ونتفنن فيهم وهيك بصير عندنا بالقسم موسوعة عن كل نوع وألوانه وشكله حتى ما ينضحك علينا عند ما نشتري حمام وخاصة الأنواع الغالية، وبصير يطلع عندنا حمام بمواصفات عالية وقياسية ومثالية

وبارك الله فيكم