السلام عليكم ورحمة الله وبركاته
بخصوص ترويش الروز يا اخوان انا ابخهم بالبخاخ المعروف وكذا بس برضه مارتاح لازم اروشهم تحت
الموية مباشرة من المغسلة طبعا اكون ماسكهم بايدي وارشهم خفيف على جسمهم وبطنهم
وذيلهم واسفل بطنهم وماحاول اقرب من وجهيهم اخاف المويه تضر عيونهم هل طريقتي هذي
صحيحة او خاطئة ؟ علما ان الطيور تكون خايفة جدا وتحاول تهرب من ايدي ولمن نخلص ماتعطيني
وجه وتهرب مني الا بعد ماتنشف واكلها حاجه تروق وترجع لطبيعتها ..... وسؤال ثاني وش افضل
طريقة لتلقين الروز الكلام ؟؟؟؟ انا الاحظ الكلمات الي ابغاهم يقولونها مايعبرونها ويمسكون كلمات
ثانية مالها داعي زي ( ولد , نعم ) يعني كلمات ماقولها لهم كثير بس ممكن يسمعونها من البيت
..... الحمد لله طيوري هدد الاثنين داخل البيت ويعرفون اساميهم ومطيعين وكل شي بس انا ابغى
استشيركم في محاولة تجربة ولافتهم خارج المنزل بمكان واسع شلون ادربهم بالخارج ومابغى
اكون رابطهم بخيط او حبل لاني اخاف على رجولهم ؟؟؟ ومتى يبدى تبديل الريش عند طيور الروز ؟
ومتى يبدا التزاوج ؟؟ احط لهم بياضه من الحين او لا ؟؟؟ اعمارهم في الخمس شهور تقريبا
واسف على كثرة الاسئلة