اساله

[Skippy]

المشاركة الأصلية كتبت بواسطة Alexander-Mohammed

السلام عليكم ..
معليش على الاسئله السخيفه

س1 - لو خليت الكلب في غرفتي هل يمكن يمزق ملابسي و يخرب كتبي ؟
من الممكن اكيد
لأنه يمكن يطفش ويمزقها للتسلية
س2 - لو خليته في الحوش اربطه بطوق ولا بدون اخليه يتمشا ؟
حرام تربطة ، اتركة مفلوت احسن عشان يقدر يروح ويجي
س3 - لو خليته في غرفتي اسكر الباب عليه ولا اخليه يتمشئ في البيت ؟؟ و بنفس القوت ما ابي ( اعزكم الله ) يوصخ البيت و بعدين ابتلش مع الاهل
والله هذا شي راجع لك ولاهلك
طبعاً في البداية راح يفعلها في اي مكان
لكن مع التدريب راح يعملها بالمكان المخصص
س4 - هل من المحتمل في المستقبل لو امشي وين ما اروح يمشي معي بدون طوق ؟؟
اكيد بالتدريب طبعاً
ولكن الصبر الصبر
س5 - و خايف و متردد اني اجيب كلب خايف يمرض و و و و و الخ
انت اعط الكلب جميع التطعيمات اللازمة
ونظف صحن الاكل و مكانه
س6 - بس لما اشتري الكلب و اشتري له قفص راح يصير في القفص لمدة اكثر من يوم او يومين او ثلاثه بدون ما يطلع هل يؤثر عليه ( عشان اللين اصل المنزل )
مافهمت سؤالك ؟؟
س7 - لما اشتري الكلب افحصه بنفس المدينه اللي شريت منه الكلب ولا افحصه في مدينتي ؟
والله هذا شي راجع لك
لكن يفضلك انك تجي مع الشخص اللي بتشتري منه وتروحون للبيطري وتفحصونه .
س8 - انا لما اشتري الكلب ببدا العب معه و امشيه و اعلمه امور الطاعه اليين يصير عمره سنه و نص و اعلمه على الشراسه هل كذا صحيح ( انا اول مره اشتري كلب + ما فيه عندنا اماكن تدريب على الشراسه يعني بدربه بنفسي )
كلامك مظبوط تقدر تدربة لكن كما قلت لك عليك بالصبر ولا تظرب الكلب او ترفع صوتك وتصارخ عليه
لأن هذا يأثر عليه
س9 - وش يعني بطاقة الكلب ولا جواز الكلب ولا صورة الكلب
فيه الجواز اللي هو دفتر التطعيمات
مثال يعني بطاقه للكلب اسمه و صوره و مكان الولاده و اتاريخ و كذا ؟؟؟
( زي بطاقة الاحوال )
ايه تحط فيه صورة للكلب واسمة ويوم ولادته ووووو ...
س10 - هل بعمر السنه اذا جا احد و صرخ عليه غير مدربه تهتز الثقه بالنفس ؟؟
حسب شخصية الكلب .
س11 - لما اشتري الكلب ما اخلي احد يلمس راسه غيري لين يعرفني و لا ياكله غيري ؟؟
يفضل انك انت اللي تلعبة وتأكلة وتمشية
لكن الاهل ممكن يلعبونه
س12 - لما اشتري الكلب اخاف يطنشني ؟؟ّ!!!
لا انت اهتم فيه ولعبه وبيكون زي الفل

والله اللي يرد على كل الاسئله بتجيه دعوه من قلب

وموفق