ابوي فاجئنا ببغاء هولنديه وتورطنـــــــا *_*

[muneer434]

اختي ببغاء هولندية
تمام ماشاء الله انك بتتبعي التعليمات من الاخوان في المنتدى
بالنسبة للخوف افضل انه الطير يحس بالامان في البيت لانه لو الطير صار فيه خوف حيفضل على طول معاه وماراح يروح ابدا الا في حالات صعبة لازم الطير وبالذات الهولندي يحب الجميع وماينزرع الخوف في قلبه وراح يصير من اجمل الطيور واحلاها من ناحية خفة الدم وجريء جدا في المستقبل

وبالنسبة للنوم عادي لو ماغطيتوه بس اهم شي مايكون فيه تكييف زي مااتفضل اخوي بلاك بيري وبالنسبة للنور الخافت لو ضمنتي انه الطير اكل وشرب موية قبل ماينام خلاص طفي النور وخليه يصحى الصباح على نور ربنا ويرجع ياكل ثاني ويشرب

وبالنسبة للقفص لاتخرجيه من القفص عشان لايطير وماتقدروا ترجعوه للقفص او لاسمح الله يروح يضرب نفسه في مكيف ولا مروحة ولا حافة حادة ولا غيره بعد ماينقص جناحة عن محترف عندكم بعدين خرجوه من القفص

وبالنسبة لطيرك الله يشافيه انشالله بس اهم شي تستمري في العلاج وانشالله يكون مناسب صراحة مااعرف ايش الادوية هاذي اللي يفيدك اكثر في ذا الموضوع بلاك بيري

ووافينا بالنتائج بعد خمسة ايام من العلاج

ونصيحة ترى الهولندي مرغوب ومحبوب ولعوب ومايجعر ولا يعض بس عيبه مناعته الضعيفة حاولي تمسدي على راسه شوية شوية عشان يحس بالامان
والله يعينك ترى تربيته مشقة ومتعة