الطيور لاتقدم كــ"هدايا"

[Arashi]

السلام عليم ورحمة الله وبركاته

هذا اول موضوع مش استفسار أفتحه في المنتدى..أرجو انه مايكون مخالف (قريت القوانين لكن مب متأكده ^^")

المهم أبي أفضفض شوي

في تقليعه متنشره رافعه ضغطي وهي اهداء الطيور كهدايا نجاح او عيدميلاد وما الى ذلك من مناسبات سعيده
والمشكله انها تُهدى لناس ماعندها خبره في تربيتها ولا عندها وقت وطولة بال لذلك...فيتم وضعها في البيت للزينه واهمالها لين تموت

حدثت معانا...ناس يحبون اختي الصغيره...جابوا لها طيور زينه في وسط باقة ورد داخل قفص تعيس ..وانا بروحي عندي ببغاء جديد ومب متفرغه لغيره...تخيلوا المساكين أهملوهم...مع اني حاولت اساعد في الاهتمام فيهم بس ماقدرت..وماتوا

والحين على طول جابوا شي ثاني...الظاهر سامعين عندي كاسكو فجابوا لها واحد...وهي تضايقت لأنها في الجامعه وفي عز الامتحانات وماعندها وقت له...ولا انا ولا احد يقدر يهتم فيه..الكل تضايق من تصرفهم وكأن هالطير المسكين للزينه
الحين ماندري شنسوي فيه...الكاسكو مالي حس بوجوده وصار منفعل أكثر اليوم (وهالطيور عاد فيهم غيره مب طبيعيه )

اللي بقوله...هاذيله روح ويحسون...مب مثل ساعه او عقد او بلاي ستيشن تشتريه لأي حد هديه ماتدري يهتم فيها ولا لا...عالاقل تقدمه لشخص عارف ان عنده وقت ومهتم بأمر تربيتهم