التهابات الاذن الحاده

[nahasas]

السلام عليكم ورحمة الله وبركاته

انا عضوه جديده وان شاء الله اكون عضوه مفيده

المهم قطتي عمرها حدود السنه او اقل بقليل. كانت صحتها جيده جدا لكن من حول الشهر ازعجتها في موسم التزاوج وجبت لها ذكر صحته جيده لكن ماصار بينهم شي مع انه حاول. اللي حصل انها من كثر الازعاج لمت علينا قطط الجيران واحد القطط دخل البيت واعتقد انه صار بينهم تزاوج لانه كل العلامات كانت واضحه من محاولات وتدحرج و ووو . المهم من اربعه او خمس ايام بدت صحتها تتدهور بشكل سريع وامتنعت عن الاكل ولا عاد لها اي نشاط. اخرجت القط الذكر من البيت من اسبوع تقريبا بعد ما تأكدت انه امضى معها حول اسبوع يجي ياكل اكلها ويعاشرها ويخرج كل يوم اكثر من مره. المهم من اربع ايام لاحظت انه في نزف دموي خفيف في اذنها وطهرته من الخارج لكن من يومين زادت الحاله سوء لدرجه انها ما تتحرك ولا تاكل نهائيا. اختدها للطبيب البيطري وبصراحه احزني كثير يوم عرفت انه الالتهاب شديد واحتمال انه صار انفجار في اذنها وانتقل الالتهاب للاذن الثانيه. عطاها ابرتين ونظف اذنها و وصف لها مجموعه من الادويه.
من مضاد حيوي وفايتمين وفاتح شهيه ومرهم للاذن.
طلب مني اني اطعمها لبن رائب خفيف الدسم كل ساعتين او ثلاث لمده كم يوم لين تقدر تاكل وقال لو ما انتبهت لها راح تموت اكيد.
المشكله انه الالتبهاب اصبح فيه رائحه كريها وانا صرت اتحسس من امسكها بس جالسه احاول بكل ما اعطاني الله من قوه اني اجبر نفسي على معالجتها.
اول يوم قبلت تاكل اللبن. اليوم ترفض الاكل والفايتمين بس قبلت المضاد الحيوي ومرهم الاذن احطه لها بالغصب.
الحين تشوفني تصرخ وتخاف مني ما تبغى تاكل. ياريت تساعدوني يا اصحاب الخبر اشلون اخليها تاكل اخاف تكون فعلا حامل وتمرض اكثر بسبب نقص التغديه