طائر جديد بدون خبرهـ

[طير المملكة]

عليكم السلام ورحمة الله وبركاته

اولا مبروووك عليكم الطير
وابشري ان شاء الله كلها فترة وراح تشوفينه وليف

طبعا انا تخصصي ترويض الكروان بس مثل ما اقول للجميع مافي شيء
يصير بين يوم وليلة مهما بلغت الخبرة او العلم

المهم اختي الي عليك اولا تكونون معاه في غرفة لوحدكم يعني اطفالكم
لو كثير الركيض في البيت الله يحفظهم في بداية فترة الترويض خليه في هدوء
حتى يركز معاكم ومافي شيء يخوفه اكثر ويشتت انتباهه

طبعا لو انتوا ناويين تخلونه للعب معاكم وكذا يفضل تقصون ريش جناحه وطبعا لو ما تعرفون
كيف ممكن نخبركم الطريقة عشان ما ينجرح الطير او تقصين اوعية دموية بالخطأ

خلي زوجك يلبس قفاز ويمسكه وخلو الطير يعض براحته الى ان يتعب بتشوفينه
من التعب يعض ويعض ويوقف وحاولوا تمسحون على راسه بعد مايتعب
ونزلوه على الارض دقيقة واحده او 30 ثانية ورجعوا امسكوه مره ثانية ونفس الشيء
راح يعض واذا تعب مسحو على راسه
وبس تركوه وبعد ساعتين او ثلاث ساعات امسكوه مرة واعملوا الى ان يعض وامسحوا راسه
وبعدها خلي زوجك يحط في صبعه عسل ويخلي الطير يذوقه وبعدها دخلوه القفص وخلوه يرتاح
الى يوم ثاني
وبس هالشيء كرروه يوميا وان شاء الله في اسبوع او اقل حسب مزاج الطير راح يكون وليف

ملاحظة اختي انتي قلتي ان الطير في اليوم الثاني زاد وحشية = وهذا شيء طبيعي
طريقة القفاز طريقة بسيطة جدا ولاكن افعالها كبيرة
1- تقوي الثقة بين الطير وصاحبه وتكسر حاجز الخوف بحيث يصير المسك شيء عادي
2- اول الايام تفهم الطير انه مهما عض فعضته ما منها فائدة فمع المدة تضعف عضته
ويترك العض

وسبب زيادة وحشيته انه اول مرة يتم امساكه بهذي الطريقة والطير خايف ولما تمسكونه
راح يظن انكم تهاجمونه او راح تأذونه + الوحشية راح تسمعون صراخ من الطير او شيء عند امساكه وهذا طبيعي جدا لاكن مع الترويض اليومي راح تشوفونه وليف
وطبعا بعد 4 ايام من الترويض حاول تعطمونه من يدكم وهكذا وشوي شوي بتشوفونه في احسن حال

السموحة على الاطالة واي استفسار حاضرين