لعبة رائعة للقطط

[h_fares el nour]

السلام عليكم

شوفت كتير مواضيع عن صنع العاب للقطط لكن انا عندي لعبة من ابتكاري انا

وصنعها سهل ومكوناتها بسيطة جدا والقطة هتحبها جدا خاصة لو كانت قطة صغيرة هتتعود عليها جدا

المكونات ..

1- شرابين

2- كيس بلاستيك صغير

3- لاصق ويستحسن استخدام لاصق الاسلاك الكهربائية لانه قوي

طريقة صنعه ..

1- وضع فردتي الشراب بداخل بعضهما حتى يكونا كالكورة

2- وضع الشراب داخل الكيس البلاستيك

3- لصق الكيس البلاستيك من الخارج حتى يصبح الجميع مثل الكورة الصغيرة

طريقة اللعب مع القطة ..

ترمي الكورة المصنوعة والقطة تجري وراها

وطبعا اكيس في ايدك هيعمل صوت واثناء حركته على الارض هيعمل صوت والقطة هتحبه جدا

انا استخدمها مع قطتي من ايام ماكانت صغيرة

عند سماع صوت الكورة من ايدي تيجي تجري حتى لو كانت نايمة او بتأكل وتاخد وضع الاستعداد بأنها تنزل برجلها ويكون جسمها كله على الارض حتى راسها بيكون على الارض

ومع الوقت بقيت شاطرة جدا في اللعب بيها

لما امسك الكورة توقف قدامي بخطوات وتاخد وضع استعداد لما ارمي الكورة تنط في الهواء وتمسكها بأظافرها

وكتير اشوفها ماسكة الكورة وتلعب بيها لوحدها

واحيانا كتير كمان كانت تصحيني لما اكون نايم واحس انها عاوزة تلعب بالكرة ولما الاعبها تكون مبسوطة جدا

وكمان بقت تمسك الكورة بأسنانها (( لان الكورة مغطاة بكيس بلاستيك فسهل انها تمسكها بأسنانها )) وتجيبهالي علشان الاعبها بيها هههههه

لو القطة اتعودت على اللعبة دي هتكون لعبة ممتعة جدا معاكم خاصة في وقت نشاط القطة هتكون سريعة وممتازة في اللعب وكمان تقفز في الهواء وتلتقط الكورة


بالتوفيق ...