بنسآه واصيح ان حضر .. | ويش جآبه !

[سرالوجود]

,

,

,
,

جيتك أمل عاشق وتفكير منثور
جيتك سؤال وخابرك لا اجابه !


جيتك الم قاتل وتصوير منخور !
جيتك بقلبي وانتخي من لهى به

اشتقت حيل وماغدا لحرفي سطور
والشاعر الي كنت احبه اهابه


توي بديت اخلص معه واطلق شعور
صادفت كذبه والجفا بالنيابه !


وش خانة الاخلاص في قلب مغرور !
ووش يدمي الاحساس غير الغرابه !


هذا سؤالي جاك من قلب مغدور
مايرتجي من غيمه الا سحابه


دامك تعاف الحب ! لا تعشق النور
وش قيمة احزانك بليا كئابه



مثلك يعيش وداخله شي مصهور
لا طال حقه ولا برز يوم نابه



يا اخي مدامك ضارب لحبي صدور
ليه الصراحه فيك مشروخ بابه !


الصدق في بعض المخاليق منحور
ادري ولكن مايموت بشبابه

منهو شراني صدق !
مابات مقهور
واموت كلي لاجل يحيا جنابه !

والي نساني !
صدق ماانساه مجبور !
بنساه واصيح ان حضر ويش جابه !


الغايب الي ماعرف قدري شهور
لا اسعى لقربه ولا أحن لشهابه


لو مت منه
.............. ماترجيته حضور
لو غبت عنه مانويت اللقا به


لو كنت بعته
................ قلت للجرح معذور
لو كنت خنته ما قويت الكتابه


لو كنت حبه
............... ماجعل دمعي بحور
لو كنت وده ماترك لي سرابه


ماالوم قلبي لا غدا منه مذعور
لا صار طيرا والخلايق ذيابه


كذاب عشق !
وخاين ومتقن الدور
ان راح عني وان رجع ي هلابه

خطوات رجلي واضحه وكلي سرور
مااندم على شيٍ وطيته ب رحابه


ان جاء بيلقاني على الوعد مفطور
وان غاب جعله مايجي من غيابه



ودي لكم ..