بخصوص تدريب القط .. لمن لديه خبرهـ أرجوكم أفيدوني

[yamih]

السلام عليكم ورحمة الله ..

عندي استفسارات بسيطه عن تدريب القطط .. وأتمنى منكم تفيدوني ..

سبق وقريت مواضيع عربيه وأيضآ إنجليزيه عن تدريب القط وكيف يتعود على الكلمه .. مثل لو تناديه باسمه ويجي عندك .. أو تقول له (روح داخل) فـ يروح داخل الغرفه مثلا .. أو (اطلع فوق) ويطلع للدور العلوي إذا كان مسوي إزعاج بالصاله مثلآ .. أو مثل كلمة (sit) أي اجلس .. أو (up) أي أوقف على رجلينك .. وهكذآ أخواني .. وكان مكتوب في المواضيع الطريقه المناسبه وأنا فهمت كيف تطبقها دام أنك تعطيه (مكافأهـ) حين يسمع لك وينفذ أمرك حتى يتعود على نبرة الصوت وعلى الكلمه ... ويصير ينفذ الأمر ...

استفساراتي يالغاليين كالتالي:
1- ما هي (المكافأهـ) المناسبه للقط ؟؟ أكيد أكل .. بس أقصد أي أنواع من الأكل ؟؟ ولو تعطوني أمثله إذا ممكن .. حاجات تحبها القطط غير الدراي فود وكذآ .. يعني شي تقدسه القطط وتسوي المستحيل لأجل أنها تحصله ..

2- كم العمر المناسب لتدريب القط ؟؟؟ يعني هل إذا تعدى القط عمر 5 شهور مثلآ .. راح يكون صعب تدريبه ؟؟ وصعب أنه يفهم عليك أوامرك .. وهكذا ..

أرجو أن أجد إجابه كافيه وشافيه حتى لو بالتفصيل الممل ..

ولكم الشكر والتقدير ...

تحياتي ..