الظاهر انه بينبتلي انا ريش وبنتفه والسبب ببغائي ساعدوني

[>>RD<<]

بسم الله الرحمن الرحيم
السلام عليكم ورحمة الله وبركاتة

خلوني اخش في الموضوع على طول

انا بين كل فتره وفتره احب اروح محلات الطيور واتفرج والصراحه اروح وقت ما اضيق
المهم صدف اني رحت مع رفيق لي وسئلني ليه وجاوبته , واليوم الثاني لقيته جايني ومعاه ببغاء وقالي جاك تراه من جاري ومهمله وقلتله هاته وجبته لك
طبعا اخذته شي ببلاش ربحه بين.
طبعا الله لا يوريكم على قمة الاهمال والقفص والحاله دماار لدرجة ان القفص كان مليان حشرات
اخذته ونظفته وسبحته وكل هذا وانا لا افقه في الببغاء شي ابد

المشكله انه غير مروض ولا اعرف عنه شي ولي شهر وعليها وانا احوس في المنتديات واتعلم وماخليت شي تعلمة اشياء نفعتني ونمت معلوماتي عن هذا الطائر وتعجبت ولا قلت غير سبحان الله

المهم رغم تجعيره علي وصراخه وعضه لي وكل شي سيء يبدر منه الا اني ولأول مره تعلقت به هذا المجنون

ولكن كل ماقربت منه جعر وصاح ويخبط في القفص ياخذ الاكل مني ويرميه حاولت معه كل الطرق حتى اني شقت في اليوتيوب واحد يمسكه غصب بالمنشفه ويلفه ويمسح راسه غصب ويولف وطبقت الحركه وعض فيني لين قال بس

والغريب اذا جات الوالده او احد خواتي ياكل من ايدهم ويصفر وحركات رغم اني انا اللي معتني فيه وبأكله ونظافته لكن من يشوفني ينصرع

ابي حل ولا ابي ارجعه ولا ابيعه دلوني وش اسوي
وغير كذا معرف عمره ولا جنسه كل اللي اعرفه وقالي اياه صاحبي انه افريقي واسمه مسي على اسم اللاعب الي في برشلونه

تكفوووووون اريد حلا ابي اروضه واطلعه على يدي ويبطل تجعير وخوف حتى اني شريت قفص اكبر واحلى ومو راضي يطلع من قفصه ابد ولا ابي امسكه اخاف يتعور
وش اقدر اسوي دلوني
اخوكم
رائد

واليكم الصور