مشروع تفريخ الكاسكو

[عاشقة الظلام]

اولا الله اعوضك
ومشروع تفريخ الافريقي يدور ويستهوي كل مربي
وما شاء الله المنتديات والمواقع مليانه بمعلومات بهذا الخصوص وكل من تدخل على موضوعة اول سطر اقول لك انه تفريخ الكاسكو صعب بس ليس مستحيل ومن وجهت نضري ما في شي صعب ولا مستحيل ولا اقول ذوا كلفة مالية طائلة والله ما ادري ويش بسوي بتشتري سبايك ذهب وحنه ما ندري.
اول شي اخوي ان الافضل تاخذ لك ازواج معمول لها تحليل الدي ان اي الانه هذي النقطة هية المسئلة الاساسية والاهم في الانتاج بعدها تعتبر الامور بسيطة من قفص واعشاش. وبامكانك شراء مجموعة من الازواج المعمول لها التحليل وتركها مع بعض في سلاكة كبيرة بحيث كل فرد بيختار شريك حياته والي يرتاح معة بعدين ابدى بمساله الفصل والاقفاص كل مربي له قياسات يستهواها منهم من يقول القفص يكون مكعب جميع اضلاعة متر ويرتفع عن الارض برتفاع متر او اقل ومنهم من يزيد ونقص والاعشاش معروفةعلى شكل L عرضها 30سم الطول60سم والارتفاع60 سم الجو المناسب لها ما ينزل تحت 25 درجة مؤوية واغلبهم يخصص غرفة للازواج ما يدخل لها الا مرتين في اليوم بغرض تبديل الاكل والماي فقط.

اخوي وسع دائرة البحث وقرائة المعلومات وعندك موقع مزرعة الديواني فيها معلومات عن تفريخ الكاسكو وعندك منتديات عربية كثيرة.

واهم شي انك عندك طولت البال وصبر والباقي كلة اهون.

وانه مثلك استهوتني مسالة تفريخ الكاسكو وقريت عنها وايد معني بنت ودخلت مشوار تفريخ الكوكاتيل وتوفقت فيه واعتبر نفسي خبيرة فيهم. وخاطري ادخل مشوار تفريخ الكاسكو معني ينقصني المكان وبعض التدابير بي المسئلة تهون ومع الوقت تدبر وخصوصا اني مو مستعجله.

وتصور شفت موضوع عن التفريخ(الكاسكو) شخص من دولة عربية فرخ الكاسكو في قفص صغير نسبيا بالنسبة لزوج ولا داخل البيت في الصالة يعني كسر كل الجواجز الي يدعيها المربين من هدوء وغرفة مخصصة ومقاسات للاعشاش والاقفاص وطلع بفرخين.

ومن وجهة نظري انه احب احكم الطير اذا بفرخ منه مو اخليه يحكمني.

وفي الكثير من الاعضاء في المنتدى دخلوا مشوار التفريخ (الكاسكو) ونجحوا فه بس ما ادري ليش يبخلون وحسون بغصة بمسالة عرض تجربتهم وعرض صور لاقفاصهم او الاعشاشومقاساتها والطرق الي اتبنوها ما ادري يمكن اخافون من الحسد ههههههههههه وان كان الموضوع ما ياخذ من وقتهم حتى نص ساعة.


وعموما اعتذر على الاطالة وموفق ان شاء الله في مشوار الانتاج يارب